تورک جمهوریتلرینین گوندمیندهکی اولایلار
آذربایجان و اؤزبکیستان دؤولتلرآراسی یوکسک شوراسی قورولدو
۲۰-۲۲ آگوست ۲۰۲۳ تاریخلرینده قازاقیستان جمهورباشقانی قاسیم جؤمرد توکایئو وینتام سوسیالیست جمهوریتینه ایلک رسمی سفرینی گئرچکلشدیردی. قازاقیستان جمهورباشقانی هانوی‌دا ویتنام جمهورباشقانی وو وان تونگ، ویتنام باشباخانی فام مین چین، میللی مجلیس باشقانی وونگ دین هو و کمونیست پارتی باشقانی نگوین فو ترونگ ایله آیری آیری گؤروشدو. گؤروشمه‌لر نتیجه‌سینده ایکی اؤلکه آراسیندا ۱۲ آنلاشما ایمضالاندی. جمهورباشقانی توکایئو سفر چرچیوه‌سینده ویتنامین اؤنده گلن ایش آداملاری ایله ده آیری آیری گؤروشمه‌لر ائتدی و اوره‌تیم فابریکالارینی گزدی.
۲۲-۲۳ آگوست ۲۰۲۳ تاریخلرینده اؤزبکیستان جمهورباشقانی شؤوکت میرضیایئو آذربایجانا دؤولت سفری گئرچکلشدیردی. باکی‌دا آذربایجان جمهورباشقانی ایلهام علییئو شؤوکت میرضیایئوی رسمی مراسیمله قارشیلادی. ائدیله‌ن گؤروشمه‌لردن سونرا آذربایجان و اؤزبکیستان آراسیندا ۱۵ آنلاشما ایمضالاندی. آذربایجان و اؤزبکیستان دؤولتلرآراسی یوکسک شوراسی قورولدو. جمهورباشقانی میرضیایئو سفر چرچیوه‌سینده فضولی و شوشا شهرلرینه ده سفر ائتدی. جمهورباشقانلاری فضولی‌ده اؤزبکیستان طرفیندن تیکیله‌ن میرزا اولوغ‌بی اوخولونون آچیلیشینی گئرچکلشدیردیلر. خاطیرلاتماق لازیم‌دیر کی، بو ایل خیوه و شوشا قارداش شهر پروتوکولو ایمضالامیشدی.
۲۲-۲۴ آگوست ۲۰۲۳ تاریخلرینده فیلیسطین خاریجی ایشلر باخانی ریاض المالیکی اؤزبکیستان و تورکمنیستانا رسمی سفر گئرچکلشدیردی. فیلیسطین خاریجی ایشلر باخانی ریاض المالیکی اؤزبک و تورکمن قونومداشلاری ایله گؤروشمه ائتدی. خاریجی ایشلر باخانلیکلقلاری آراسیندا امکداشلیق آنلاشما متنلری ایمضالاندی. تورکمنیستان جمهورباشقانی سردار بردی‌محمدوو، خالق مصلحتی باشقانی قوربان‌قولو بردی‌محمدوو و مجلیس باشقانی دونیاگوزل گولمانووا فیلیسطین خاریجی ایشلر باخانینی قبول ائتدی.
۲۴ آگوست ۲۰۲۳ تاریخینده گونئی آفریقادا بریکس ذیروه‌سی ائدیلدی. ذیروه چرچیوه‌سینده گئرچکلشدیریلن بریکس+ ییغینجاغینا قازاقیستان جمهورباشقانی قاسیم جؤمرد توکایئو شانگهای امکداشلیق تشکیلاتی دؤنم باشقانی عنوانی ایله آنلاین اولاراق قاتیلدی. روسیا فدراسیونو دؤولت باشقانی ولادیمیر پوتین ده اولوسلارآراسی جزا محکمه‌سینین توتوقلاما قراریندان اؤترو ذیروه‌یه آنلاین قاتیلماق مجبوریتینده قالدی.
۲۴ آگوست ۲۰۲۳ تاریخینده قیرقیزیستان جمهورباشقانی سادیر جاپاروو آوروپا بیرلیگی پارلمانی خاریجی ایلیشکیلر کمیسیونو باشقانی دیوید مک‌آلیستر باشقانلیغینداکی هیئتی قبول ائتدی. گؤروشمه‌ده قیرقیزیستانین آوروپا بیرلیگی ایله ایلیشکیلرینی ماراقلاندیران قونولار اله آلیندی.
۲۵-۲۶ آگوست ۲۰۲۳ تاریخلرینده تاجیکیستان جمهورباشقانی امامعلی رحمان قازاقیستانا رسمی سفر گئرچکلشدیردی. قازاقیستان جمهورباشقانی فاسیم جؤومرد توکایئو و امامعلی رحمان باش باشا گؤروشدولر. سفر چرچیوه‌سینده ۲۳-۲۶ آگوست تاریخلرینده آستانادا تاجیکیستان مدنیت گونلری فعالیتلری تشکیل ائدیلدی.
***
۲۰ آگوست ۲۰۲۳ تاریخینده اؤزبکیستان جمهورباشقانی شؤوکت میرضیایئو جمهورباشقانلیغی قورولوشونون دییشدیریلمه‌سینه دایر قراری ایمضالادی. یئنی دوزنمله‌مه‌یه گؤره، جمهورباشقانلیغی باش کاتیبی یئرینه ایکی جمهورباشقانی کؤمکچی‌سی وظیفه‌سی اولوشدورولدو. ۲۶ آگوست تاریخلی جمهورباشقانی قراری ایله سعیدا میرضیایئوا جمهورباشقانی کؤمکچی‌سی اولاراق تعیین ائدیلدی.
گلیشمه‌لردن گؤرولدوگو اوزره، گئچه‌ن هفته تورک جمهوریتلری جمهورباشقانلاری اؤنملی سفرلر ائتدیلر؛ آذربایجان-اؤزبکیستان ایلیشکیلری یئنی بیر سویه‌یه یوکسلدی.
