آوراسیا جمهوریتلرینین گوندمیندهکی اولایلار
گئچهن هفته آوراسیا اؤلکهلرینین لیدئرلری اؤنملی گؤروشمهلر گئرچکلشدیردیلر
۲۱-۲۲ می ۲۰۲۳ تاریخلرینده آذربایجان جمهورباشقانی ایلهام علییئو لیتوانییه رسمی سفر گئرچکلشدیردی. لیتوانی جمهورباشقانی گیتاناس ناوسدا و ایلهام علییئو آراسیندا هر طرفلی گؤروشمه ائدیلدی. گؤروشمه سونوندا طرفلر آراسیندا ۳ آنلاشما ایمضالاندی. سفر چرچیوهسینده ایکی اؤلکه جمهورباشقانلارینین ایشتیراکی ایله لیتوانی-آذربایجان ایش فورومو تشکیل ائدیلدی. آذربایجان جمهورباشقانی ایلهام علییئو لیتوانی باشباخانی اینگریدا شیمونیته ایله ده گؤروشدو.
سنگاپور جمهورباشقانی حالیما یاقوب ۲۲-۲۴ می ۲۰۲۳ تاریخلرینده ایلک دفعه قازاقیستان و اؤزبکیستانا دؤولت سفری گئرچکلشدیردی. حالیما یاقوب قازاقیستان و اؤزبکیستاندا رسمی مراسیمله قارشیلاندی. سنگاپور جمهورباشقانی قاسیم جومرت توکایئو و شؤوکت میرضیایئو ایله گؤروشمهلر ائتدی. گؤروشمهلر سونوندا قازاقیستان و سنگاپور آراسیندا ۴، اؤزبکیستان و سنگاپور آراسیندا ۷ آنلاشما ایمضالاندی.
روسیا باشباخانی میخائیل میشوستین ۲۲-۲۴ می ۲۰۲۳ تاریخلرینده چین خالق جمهوریتینه سفر گئرچکلشدیردی. باشباخان میشوستین سفر چرچیوهسینده چین دؤولت باشقانی شی جینپینگ، باشباخان لی چیانگ ایله گؤروشمهلر ائتدی. ایکی اؤلکه آراسیندا ۵ آنلاشما ایمضالاندی. وئریلن آچیقلامالاردا چین و روسیا آراسینداکی اؤدهمهلرین یوزده ۷۰ی روبل و یوان ایله ائدیلدیگی، ایکیلی تیجارت حجمینین بو ایل یوزده ۴۰ بؤیودوگو ایفاده ائدیلدی.
۲۴ می ۲۰۲۳ تاریخینده موسکوادا "چوخ قطبلو دونیادا آوراسیا بوتونلشمهسی" آدلی ۲.جی آوراسیا اقتصاد فورومو تشکیل ائدیلدی. فوروما روسیا، بلاروس، ارمنیستان، قازاقیستان و قیرقیزیستان دؤولت باشقان و باشباخانلاری قاتیلدی.
۲۵ می ۲۰۲۳ تاریخینده موسکوادا آوراسیا اقتصادی بیرلیگی یوکسک آوراسیا اقتصادی شوراسی ییغینجاغی هیبرید فورمتده ائدیلدی. ییغینجاغا آذربایجان، ارمنیستان، اؤزبکیستان، کوبا، تاجیکیستان، روسیا، بلاروس، ارمنیستان، قازاقیستان و قیرقیزیستان جمهورباشقانلاری و باشباخانلاری قاتیلدی. ییغینجاق سونوندا ۱۴ آنلاشما ایمضالاندی.
سؤزو گئدن ییغینجاق چرچیوهسینده آذربایجان، ارمنیستان و روسیا لیدئرلری بیر آرایا گلدیلر. ییغینجاق سونوندا آذربایجان و ارمنیستانین تورپاق بوتونلوکلرینی قارشیلیقلی اولاراق تانیدیلاری، زنگهزور کوریدورونون آچیلماسی قونوسوندا آنلاشما تامین ائتدیکلری آچیقلاندی. ولادیمیر پوتین، اوچ اؤلکه باشباخان کؤمکچیلرینین بیر هفته ایچینده آیدینلیغا قوووشمامیش قونولاری دانیشماق اوچون بیر آرایا گلهجکلرینی بیلدیردی. ییغینجاق عرفهسینده ارمنیستان باشباخانی اؤلکهسینین کولکتیو گوونلیک آنلاشماسی تشکیلاتیندان چیخما مسئلهسینین گوندمدهکی یئرینی قورودوغونو بیلدیرمیشدی.
۲۵ می ۲۰۲۳ تاریخینده مینسک شهرینده روسیا و بلاروس ساوونما باخانلاری سرگئی شویگو و ویکتور خرنین، بلاروسا نووه سلاحلارین یئرلشدیریلمهسینه و باخیمینا دایر سندلری ایمضالادی.
***
روسیا و گورجوستان آراسیندا هاوا نقلیاتی قاداغاسینین قالدیریلماسی سیاستچیلری قارشی-قارشییا گتیردی. گورجوستان موخالیفتی قرارا اعتراض ائدرک میتینگ تشکیل ائتدیلر. گورجوستان جمهورباشقانی سالومه زورابیشویلی بو قراری دستکلهمهدیگینی آچیقلادی. بونون اوزرینه گورجوستان هاوا یوللاری باشقانی تاماز گایاشویلی جمهورباشقانی زورابیشویلینی ایستهنمهیهن آدام اعلان ائتدیکلرینی، اوچاقلارینا آلمایاجاقلارینی بیلدیردی. بعضی متخصصلر آوروپایا ترانزیت اوچوشلار قونوسوندا تیفلیس هاوالیمانینین اولوسلارآراسی ایستانبول هاوالیمانینا رقیب اولاجاغینی بیلدیریرلر.
گلیشمهلردن گؤرولدوگو اوزره، گئچهن هفته آوراسیا اؤلکهلرینین لیدئرلری اؤنملی گؤروشمهلر گئرچکلشدیردیلر.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر