آوراسیا جمهوریتلرینین گوندمیندهکی حادثه‌لر
گئچه‌ن هفته اورتا آسیا اؤلکه‌لرینین گوندمیندهکی ان اؤنملی حادثه چینده گئرچکلشدیریلن چین-اورتا آسیا ذیروه‌سی اولدو
۱۸-۱۹ می ۲۰۲۳ تاریخلرینده آوراسیا اؤلکه‌لرینده اؤنملی اولوسلارآراسی فعالیتلر ائدیلدی. ایندی بونلارا باخاجاغیق.
گئچه‌ن هفته اورتا آسیا اؤلکه‌لرینین گوندمیندهکی ان اؤنملی حادثه چینده گئرچکلشدیریلن چین-اورتا آسیا ذیروه‌سی اولدو. ۱۸-۱۹ می ۲۰۲۳ تاریخینده چین خالق جمهوریتینین شیان شهرینده بیرینجی چین-اورتا آسیا ذیروه‌سی گئرچکلشدیریلدی. ذیروه‌ده دانیشان چین خالق دؤولت باشقانی شی جینپینگ، مرکزی آسیا جمهوریتلری ایله امکداشلیغی گوجله‌ندیرمک اوچون ۳.۷۲ میلیارد دلار وئره‌جکلرینی آچیقلادی. ذیروه سونوندا طرفلر آراسیندا ۸ آنلاشما ایمضالاندی و شیان بیلدیریسی قبول ائدیلدی. بیر سونراکی مرکزی آسیا-چین ذیروه‌سی ۲۰۲۵-جی ایلده قازاقیستاندا ائدیله‌جک.
تورکمنیستان دیشیندا‌کی اورتا آسیا جمهوریتلری جمهورباشقانلارینین چینه ائتدیکلری سفرلر دؤولت سفری اولاراق بیلدیریلدی. ائدیله‌ن ایکی‌لی گؤروشمه‌لر نتیجه‌سینده قازاقیستان و چین آراسیندا ۲۳، قیرقیزیستان و چین آراسیندا ۲۶، اؤزبکیستان و چین آراسیندا ۴۱، تاجیکیستان و چین آراسیندا ۲۵ آنلاشما ایمضالاندی. قازاخیستان و چین حکومتلری قارشیلیقلی اولاراق ۳۰ گون ویزاسیز گیریش حاقی تانییان آنلاشمانی تایید ائتدیلر.
۱۹ می تاریخینده جمهورباشقانی قاسیم جؤمرت توکایئو شیاندا قازاقیستان باش کونسوللوغو بیناسینین آچیلیش مراسیمینده ایشتیراک ائتدی.
مرکزی آسیا جمهوریتلرینین دونیاداکی بیر چوخ اؤلکه ایله ۵+۱ پلتفورمو سؤز قونوسودور. آنجاق بونلارین آراسیندان چین ایله اولوشدورولان ۵+۱ مکانیزمی چوخ داها تأثیرلی اولاجاغا بنزییر. شیاندا ائدیله‌ن ذیروه بونا ایشاره ائدیر.
مرکزی آسیا-چین ذیرو‌ه‌سینین ائدیلدیگی گونلرده قازاقیستانین آلماتی شهرینده اورتا آسیا-آوروپا بیرلیگی ۲.جی اقتصادی فورومو گئرچکلشدیریلدی. فوروما بؤلگه دؤولتلرینین باشباخانلاری و آوروپا بیرلیگی کمیسیونو باشقان کؤمکچیسی، آوروپا باییندیرلیق و قالخینما بانکی باشقانی، آوروپا سرمایه بانکی باشقانی، ماجاریستان خاریجی ایشلر و تیجارت باخانی و لتونی نقلیات باخانی ایشتیراک ائتدی.
۱۸-۱۹ می ۲۰۲۳ تاریخینده تاتاریستانین باشکندی قازان شهرینده ۱۴.جو روسیا-ایسلام دونیاسی: قازان فورومو ۲۰۲۳ گئرچکلشدیریلدی. فوروما ۸۰ اؤلکه‌دن ۱۶ میندن چوخ نماینده قاتیلدی. فوروم چرچیوه‌سینده ۲۰۰دن چوخ فعالیت ائدیلدی. روسیانین ایسلام دونیاسی ایله ایلیشکی‌لری سؤزو گئدن فوروم چرچیوه‌سینده اینکیشاف ائتدیریلیر.
***
۱۴ می ۲۰۲۳ تاریخینده قاقاووز اؤزارک یئرینده ائدیله‌ن باشقانلیق یاریشینین ایکینجی دؤورونو یئوگنیا گوتسول قازاندی. شور پارتیسینین نامیزدی اولان گوتسول سئچیمیه قاتیلانلارین یوزده ۵۴.۵۶سینین اویونو آلدی. یئوگنیا گوتسول ۴ ایل باشقان اولاجاق. مولداوی روسیا-باتی چکیشمه‌سی داوام ائدیر.
۱۶ می ۲۰۲۳ تاریخینده آذربایجان میللی مجلیسینده حیدر علییئوین دوغومونون ۱۰۰.جو ایلی دولاییسیلا اؤزل اوتوروم گئرچکلشدیریلدی. اؤزل اوتوروما قازاقیستان، قیرقیزیستان، اؤزبکیستان، الجزایر، گونئی آفریقا جمهوریتی، گورجوستان، مصر، صربیستان، تاجیکیستان و اردن مجلیس باشقانلاری، تورکپا کیمی اولوسلارآراسی پارلامنتر قورولوشلارین باش کاتیبلری قاتیلدیلار و دانیشدیلار. اؤزل اوتورومدا توپلامدا ۲۲۸ نماینده ایشتیراک ائتدی. اؤزل اوتوروم وسیله‌سی ایله باکی‌دا اولان قوناقلاری جمهورباشقانی ایلهام علییئو قبول ائتدی.
