گونئی قافقاز جمهوریتلرینین گوندمی
جمهورباشقانلاری توکایئو و علییئو باشقانلیغیندا آذربایجان-قازاقیستان اوست دوزئی امکداشلیق شوراسی قورولدو
گئچن هفته گونئی قافقاز جمهوریتلرین‌ده اؤنملی سفرلر و حادثه‌لر میدانا گلدی. ایندی اونلارا سیراسی ایله باخاجاغیق.
۱۰ آوریل ۲۰۲۳ تاریخین‌ده آذربایجان جمهورباشقانی ایلهام علییئو قازاقیستانا رسمی سفر گئرچکلشدیردی. آستانا شهرین‌ده قازاقیستان جمهورباشقانی قاسیم جؤمرت توکایئو ایلهام علییئوی رسمی مراسیمله قارشیلادی. ایکی اؤلکه جمهورباشقانلاری هیئتلر آراسی احاطه‌لی گؤروشمه گئرچکلشدیردی. گؤروشمه‌لر نتیجه‌سینده آذربایجان-قازاقیستان اوست دوزئی امکداشلیق شوراسی قورولدو. جمهورباشقانلاری توکایئو و علییئو اولوسلارآراسی آستانا مالی مرکزینی گزدیلر. جمهورباشقانلاری آیریجا آستانادا حیدر علییئو جاده‌سینین آچیلیشینی ائتدیلر.
آذربایجان جمهورباشقانی ایلهام علییئو ۱۳ آوریل ۲۰۲۳ تاریخین‌ده بوسنی هرزگووینه رسمی سفر گئرچکلشدیردی. جمهورباشقانی علییئو بوسنی هرزگووین جمهورباشقانلیغی شوراسی باشقانی زلکا سویانوویج ایله گؤروشدو. گؤروشمه سونون‌دا ایکی اؤلکه ایلیشکیلرینی استراتژیک سویه‌یه یوکسلدن آنلاشما ایمضالاندی. بوسنی هرزگووین باکی‌دا ائلچیلیک آچما قراری آلدی. ۱۱ آوریل ۲۰۲۳ تاریخین‌ده آذربایجان جمهورباشقانی ایلهام علییئو بوسنی هرزگووین گوونلیک باخانی نئناد نئشیچی قبول ائتمیشدی. جمهورباشقانلیغی شوراسی باشقانی زلکا سویانوویج ده بیر آی اول آذربایجانا سفر گئرچکلشدیرمیشدی. ایلهام علییئوین دوغویا و باتییا ائتدیگی سفرلر آذربایجانین اولوسلارآراسی تیجارت و انرژی ساحه‌لرین‌ده‌کی اؤنمینه ایشاره ائدیر.
آذربایجان میللی مجلیسی باشقانی صاحبه غافارووا ۱۳-۱۴ آوریل ۲۰۲۳ تاریخلرین‌ده سن پترزبورگ‌دا گئرچکلشدیریلن موستقیل دؤولتلر بیرلیگی ۵۵.جی پارلمانلارآراسی آسامبله‌سی ییغینجاغینا قاتیلدی. غافارووا سفر چرچیوهسینده ایکیلی گؤروشمه‌لر ده ائتدی.
۱۱ آوریل ۲۰۲۳ تاریخین‌ده ارمنیستان ساوونما باخانی سورئن پاپیکیان، بروکسله گئرچکلشدیردیغی ایش سفری چرچیوهسینده ناتو آوروپا متفیق قوتلری یوکسک قوموتانلیغینا گئتدی. کولکتیو گوونلیک آنلاشماسی تشکیلاتی عسگری مانورلارینین اؤز تورپاقلارین‌دا ائدیلمه‌سینی رد ائدن ارمنیستان، ۲۲ آوریل تاریخین‌ده ناتو ایله اورتاق مانور ائدیله‌جگینی آچیقلادی. بو آچیقلاما روسیا ایله ارمنیستان آراسین‌دا گرگینلیگین یاشانماسینا سبب اولدو. روسیا خاریجی ایشلر باخانلیغی ارمنیستان‌دان بو مؤوضوع ایله باغلی آچیقلاما ایسته‌دی. سؤز قونوسو ناتو مانورینا گورجوستان و مولداوی ده قاتیلاجاق.
عینی گون آذربایجان-ارمنیستان سرحدین‌ده سلاحلی چاتیشما میدانا گلدی. آذربایجان‌دان ۳، ارمنیستان‌دان ۴ عسگر حیاتینی ایتیردی. ارمنیستان باشباخانی نیکول پاشینیان ایکی گون سونرا ۱۹۹۱.جی ایلده‌کی سرحدلره دؤنمه‌یه حاضر اولدوقلارینی آچیقلادی.
اؤته یاندان، ۱۴-۲۳ آوریل ۲۰۲۳ تاریخلرین‌ده ایروان‌دا گئرچکلشمکده اولان آوروپا هالتر شامپیوناسینین آچیلیشین‌دا ارمنیلر آذربایجان بایراغینی یاندیراراق تخریبات تؤرتدیلر. شامپیونایا گلن ۱۲ نفرلیک آذربایجان تیمی بو تخریبات اوزرینه اؤلکه‌لرینه دؤندو.
گورجوستان‌دا ایسه جمهورباشقانلیغی ایله حکومت آراسینداکی گرگینلیک داوام ائدیر. سون اولاراق جمهورباشقانی سالوما زورابیشویلی، حکومتی آوروپا پارلمانی اوفیسینه ۱۸ آوریل‌ده گئرچکلشدیرمه‌گی پلانلادیغی اؤز سفرینی ائرته‌له‌مکله سوچلاندی. حکومت ده جمهورباشقانلیغینی یالانچیلیقلا اتهام ائتدی.
***
تورکیه تورک جمهوریتلری لیدئرلرینه توگ هدیه ائتدی. آذربایجان جمهورباشقانی ایلهام علییئو و اؤزبکیستان جمهورباشقانی شؤوکت میرضیایئو اؤزلرینه هدیه ائدیله‌ن توگلاری تسلیم آلدیلار. قیرقیزیستان داها اول اؤلکهسینده توگ فابریکاسی آچماغی تورکیه‌یه تکلیف ائتمیشدی.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکده‌دیر
