تورک جمهوریتلرینین گوند‌مینده‌کی حادثه‌لر
تل‌آویوده ائلچیلیک آچماسی سببی ایله ایرانین آذربایجانی تهدید ائد‌ن آچیقلامالار وئردیگی گونلرده آذربایجان جمهورباشقانی علییئوین تاجیکیستانا دؤولت سفری گئرچکلشدیرمه‌سی دقته دگردیر
گئچه‌ن هفته تورک جمهوریتلرینده اؤنملی سفرلر و ییغینجاقلار گئرچکلشدیریلدی. ایندی اونلارا سیراسی ایله باخاجاغیق.
۵-۶ آوریل ۲۰۲۳ تاریخلرینده آذربایجان جمهورباشقانی ایلهام علییئو تاجیکیستانا دؤولت سفری گئرچکلشدیردی. تاجیکیستان جمهورباشقانی امامعلی رحمان جمهورباشقانی علییئوی رسمی مراسیمله قارشیلادی. ائدیله‌ن گؤروشمه‌لردن سونرا ایکی اؤلکه آراسیندا ۱۴ آنلاشما ایمضالاندی. تل‌آویوده ائلچیلیک آچماسی سببی ایله ایرانین آذربایجانی تهدید ائد‌ن آچیقلامالار وئردیگی گونلرده آذربایجان جمهورباشقانی علییئوین تاجیکیستانا دؤولت سفری گئرچکلشدیرمه‌سی دقته دگردیر. بونو دا ایفاده ائتمه‌لیییک کی، ایزله‌یه‌ن گونلرده آذربایجان ۴ ایران‌لی دیپلوماتی ایسته‌نمه‌یه‌ن آدام اعلان ائتدی.
گورجوستان باشباخانی ایراکلی گاریباشویلی ۷ آوریل ۲۰۲۳ تاریخینده آذربایجانا ایش سفری گئرچکلشدیردی. باشباخان گاریباشویلی باکی‌دا آذربایجان جمهورباشقانی ایلهام علییئو ایله گؤروشدو. گؤروشمه سونوندا لیدئرلر مطبوعات کنفرانسی تشکیل ائتدی. باتییا اورتاق شکیلده طبیعی گاز صادر ائد‌ن آذربایجان و گورجوستان، ایندی ده قاراد‌نیز آلتیندان الکتریک صادر ائتمه قونوسونون آیرینتیلارینی موذاکیره ائدیرلر.
عینی گون تورکسوی عضوو اؤلکه‌لر یونسکو میللی کمیسیونلاری ۹.جو ییغینجاغی باکی‌دا ائدیلدی. تورک دونیاسینین ملموس و ملموس اولمایان مد‌نی میراثینین گونجل قونولارینین اله آلیندیغی ییغینجاقدا، تورکسوی عضوو اؤلکه‌لرین یونسکودا‌کی سؤزچولوگو و دؤنم باشقانلیغی تورکیه‌دن آذربایجانا گئچدی.
۵ آوریل ۲۰۲۳ تاریخینده تاتاریستان رئیسی روستم میننیخانوو تورکمنیستانا بیر گونلوک سفر گئرچکلشدیردی. روستم میننیخانوو سفر چرچیوه‌سینده جمهورباشقانی سردار بردی‌محمدوو، خالق مجلیسی باشقانی قوربانقولی بردی‌محمدوو ایله آیری-آیری گؤروشدو. گؤروشمه‌لرده ایکیلی ایلیشکیلرین مؤوجود وضعیتی و یئنی امکداشلیق ایمکانلاری اله آلیندی. میننیخانوو می آییندا ائدیله‌جک روسیا-ایسلام دونیاسی: قازان فورومونا تورکمن جمهورباشقانینی دعوت ائتدی.
***
۵ آوریل ۲۰۲۳ تاریخینده تورکیه اوتاقلار و بورسلار بیرلیگی باشقانی رفعت حیصارجیکلی‌اوغلو تورکمنیستانا سفر گئرچکلشدیردی. حیصارجیکلی‌اوغلو عشق‌آباد‌دا خالق مجلیسی باشقانی قوربانقولی بردی‌محمدوو، جمهورباشقانی سردار بردی‌محمدوو طرفیندن قبول ائدیلدی. گؤروشمه‌لرده ایکی اؤلکه‌نین ایش چئوره‌لری آراسینداکی امکداشلیغی گلیشدیرمه پتانسیلینه توخونولدو و تورکمنیستانداکی کیچیک و اورتا اؤلچکلی ایشلتمه‌لرین ایمکانلارینین آرتیریلماسی و اولوسلارآراسی ساحه‌یه قایناشمالارینین تامین ائدیلمه‌سینه باغلی قونولارین احاطه‌لی بیر شکیلده آراشدیریلدیغی قید ائدیلدی.
۷ آوریل ۲۰۲۳ تاریخینده تورک تیجارت و صنایع اوتاغینین ایلک عمومی قورول ییغینجاغی ایستانبول‌دا تشکیل ائدیلدی. ییغینجاغا تورک دؤولتلری تشکیلاتی باش کاتیبی، تورکیه اوتاقلار و بورسلار بیرلیگی باشقانی، تورک سرمایه فوندو باشقانی، تیجارت و صنایع اوتاغی باشقانلاری ایله تورک دؤولتلری تشکیلاتی عضو اؤلکه‌لریندن نماینده‌لر و گؤزلمچیلر قاتیلدی. ییغینجاقدا تورک تیجارت و صنایع اوتاغینین فعالیت راپورو سونولدو. عضو دؤولتلر و گؤزلمچی اؤلکه‌لردن گلن نماینده‌لر رفعت حیصارجیکلی‌اوغلونو تورک تیجارت و صنایع اوتاغی باشقانی، آد‌م کولانی ایسه باش کاتیب اولاراق سئچدی. ییغینجاق سیراسیندا قوزئی قیبریس تورک جمهوریتی تورک تیجارت و صنایع اوتاغینا گؤزلمچی اولاراق قبول ائدیلدی. بیر سونراکی ییغینجاغین قازاقیستاندا ائدیلمه‌سی قرارلاشدیریلدی.
ایلگیلی‌لی خبرلر
تورک جمهوریتلرینده کئچن هفته
تورک جمهوریتلری آراسینداکی امکداشلیغی گوجلندیره‌ن فعالیتلر سرعت کسمه‌دن داوام ائدی
