تۆرک جمهوریتلرینین گوندمیندهکی گلیشمه‌لر
تۆرک جمهوریتلری قوزئی قیبریس تۆرک جمهوریتینین تانینماسی قونوسوندا بعضی ملموس آددیملاری آتماسی لازیمدیر
گئچه‌ن هفته تۆرکیه‌ده اؤنملی ذیروه گئرچکلشدیریلدی. تۆرک جمهوریتلرینده اؤنملی سفر و گلیشمه‌لر میدانا گلدی. ایندی بو گلیشمه‌لره سیراسی ایله باخاجاغیق.
۱۶ مارس ۲۰۲۳ تاریخینده آذربایجان جمهورباشقانی ایلهام علییئوین تکلیفی اوزرینه شوشادا ائدیلمه‌سی پلانلانان تۆرک دؤولتلر تشکیلاتی فؤوق‌العاده ذیروه‌سی، تۆرکیه‌یه دستک مقصدی ایله آنکارادا گئرچکلشدیریلدی. "آفت و عاجیل دوروم یؤنه‌تیمی و اینسانی کؤمک" قونوسو ایله ائدیله‌ن ذیروه‌یه آذربایجان، قازاقیستان، قیرقیزیستان، اؤزبکیستان، قوزئی قیبریس تۆرک جمهوریتی و تۆرکیه جمهورباشقانلاری، تۆرکمنیستان خالق مصلحتی باشقانی و ماجاریستان باشباخانی قاتیلدی. ذیروه‌ده طبیعی فلاکتلر، تۆرک جمهوریتلرینین بو جور وضعیتلرده دایانیشما سرگیله‌مه‌سینین قورومساللاشدیریلما‌سی، تۆرک سرمایه صاندیغی قونولاری اله آلیندی. ذیروه سونوندا آنکارا بیلدیریسی، مۆلکی ساوونما مکانیزمینین و تۆرک سرمایه صاندیغینین یارادیلماسینا دایر آنلاشمالار ایمضالاندی. سفر چرچیوه‌سینده تۆرک جمهوریتلری لیدئرلری ایکیلی گؤروشمه‌لر ده ائتدیلر. تۆرک جمهوریتلری لیدئرلری گله‌جک اکتبر آییندا قازاقیستانین تۆرکیستان شهرینده تشکیلاتین ۱۰.جو ایل‌دؤنومو ذیروه‌سینده بیر آرایا گله‌جکلر. ذیروه ایله باغلی اولاراق بونو ایفاده ائتمه‌لیییک کی، دیگر تۆرک جمهوریتلری قوزئی قیبریس تۆرک جمهوریتینین تانینماسی قونوسوندا بعضی ملموس آددیملاری آتماسی لازیمدیر. چونکو بعضی تۆرک جمهوریتلرینده‌کی قونو ایله باغلی خبرلرده قوزئی قیبریس تۆرک جمهوریتی جمهورباشقانینین ذیروه‌یه قاتیلدیغینا دایر بیلگینین داخیل ائدیلمه‌دیگی گؤرولمکده‌دیر.
گئچه‌ن هفته تۆرکیه‌یه گئرچکلشدیریلن بیر باشقا اؤنملی سفر، موغولستان خاریجی ایشلر باخانی باتمونکه باتستگین رسمی سفری اولدو. ۱۳ مارس ۲۰۲۳ تاریخینده تۆرکیه‌یه ایکی گونلوک سفر گئرچکلشدیرن باخان باتمونکه باتستگ تۆرکیه جمهورباشقانی کؤمکچی‌سی فواد اوکتای، خاریجی ایشلر باخانی مؤولود چاووش‌اوغلو و یونسکو تۆرکیه میللی کومیسیونو باشقانی اؤجال اوغوز ایله آیری آیری گؤروشدو. گؤروشمه‌لرده ایکیلی ایلیشکی‌لرله باغلی مسئله‌لر ماسایا یاتیردیلدی. خاریجی ایشلر باخانلارینین اورتاق مطبوعات توپلانتیسیندا باخان باتستگ، "تۆرکیه طرفیندن ایجرا ائدیلمکده اولان اینسانی دیپلوماسی فعالیتینین دونیا توپلومو یارارینا گؤستردیگی قاتقیسی دا هم کووید-۱۹ سالقینی دؤونمی هم ده روسیا-اوکراینا آراسینداکی ساواش سیراسیندا اثبات ائدیلمیشدیر" دئدی. تۆرکیه و موغولستان آراسیندا ۳ آنلاشما ایمضالاندی. بو سفر موغولستان خاریجی ایشلر باخانی سویه‌سینده سون ۳۱ ایلده تۆرکیه‌یه گئرچکلشدیردیگی ایلک سفر اولاراق ثبت ائدیلدی.
***
گئچه‌ن هفته دیگر تۆرک جمهوریتلرینده ده اؤنملی گلیشمه‌لر یاشاندی. ۱۳-۱۴ مارس ۲۰۲۳ تاریخلرینده آذربایجان جمهورباشقانی ایلهام علییئو آلمانیایا ایش سفری گئرچکلشدیردی. برلینده جمهورباشقانی علییئو آلمانیا جمهورباشقانی فرانک-والتر اشتاین‌مایر، آلمانیا باشباخانی اولاف شولتس ایله آیری آیری گؤروشمه گئرچکلشدیردی. سفر چرچیوه‌سینده جمهورباشقانی علییئو ۳۰ دولاییندا اؤنده گلن آلمان ایش آداملاری ایله گؤروشدو.
قازاقیستان و اؤزبکیستاندا اؤنملی سئچیملر ائدیلمکده‌دیر. ۱۹ مارس ۲۰۲۳ تاریخینده قازاقیستاندا یئرلی و عمومی سئچیملر ائدیلدی. سئچیملر جمهورباشقانی قاسیم جؤرمرت توکایئوین اعلان ائتدیگی سیاسی اصلاحاتلار چرچیوه‌سینده گئرچکلشدیریلیر.
اؤزبکیستاندا آسقییا آلینان آنایاسا رفراندومو ۳۰ آوریل ۲۰۲۳ تاریخینده گئرچکلشدیریله‌جک. سؤزو گئدن رفراندوم اؤزبکیستانین گوجله‌نمه‌سینه قاتقی وئره‌جک.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
