تۆرک جمهوریتلرینین گوندمینده‌کی اولایلار
تۆرک‌سوی بونیه‌سینده بیر آرایا گلن تۆرک جمهوریتلری یازارلار بیرلیگی باشقانلاری تۆرک‌سوی یازارلار بیرلیگینی قوردولار
گئچه‌ن هفته تۆرک جمهوریتلرینده اؤنملی سفرلر و فوروملار گئرچکلشدیریلدی، تۆرک دۆنیاسی یازارلار بیرلیگی قورولدو. ایندی بو گلیشمه‌لره سیراسی ایله باخاجاغیق.
۹ مارس ۲۰۲۳ تاریخینده اؤزبکیستان جمهورباشقانی شؤوکت میرضیایئو قیرقیزیستان باشباخانی آکیل‌بک جاپارووو قبول ائتدی. گؤروشمه‌ده اورتاق هیدروالکتریک مرکزی تیکیمی، دمیریولو قورومو کیمی اؤزبکیستان-قیرقیزیستان ایلیشکیلرینی ماراقلاندیران قونولار اله آلیندی. آیریجا میرضیایئو ایله جاپاروو بؤلگه‌سل مسئله‌لرده فیکیر آلیش وئریشی ائتدی. قیرقیزیستان باشباخانی آکیل‌بک جاپاروو اؤزبکیستانا ائتدیگی سفری چرچیوه‌سینده داشکند‌ده اؤزبکیستان باشباخانی عبدالله آریپوو ایله گؤروشدو. گؤروشمه‌لر سونوندا ایکی اؤلکه حکومتلری آراسیندا ۱۵ آنلاشما ایمضالاندی، قارشیلیقلی تیجارت ائولرینین آچیلماسی قونوسوندا آنلاشما تامین ائدیلدی.
موغولستان خاریجی ایشلر باخانی باتمونکه باتستسگ ۷-۱۰ مارس ۲۰۲۳ تاریخلرینده اؤزبکیستانا رسمی سفر گئرچکلشدیردی. باتستسگ داشکند‌ده اؤزبکیستانین خاریجی ایشلر، نقلیات، سرمایه و تیجارت باخانلاری ایله گؤروشدو. موغولستان خاریجی ایشلر باخانینین اؤزبکیستان سفری، سون ۳۰ ایلده موغولستان خاریجی ایشلر باخانی طرفیندن بو اؤلکه‌یه گئرچکلشدیریلن ایلک سفر اولاراق ثبت ائدیلدی.
۹ مارس ۲۰۲۳ تاریخینده تۆرکمنیستان خاریجی ایشلر باخانی راشید مردوو، تاجیکیستان جمهورباشقانی امامعلی رحمان طرفیندن قبول ائدیلدی. گؤروشمه‌ده ایکیلی و بؤلگه‌سل قونولار ماسایا یاتیردیلدی. خاریجی ایشلر باخانی مردوو سفری چرچیوه‌سینده تاجیک قونومداشی سراج‌الدین مهرالدین ایله ده گؤروشدو. تۆرکمنیستان جمهورباشقانی سردار بردی‌محمدووون آوریل آیی باشیندا تاجیکیستانا رسمی سفر گئرچکلشدیرجگی ایفاده ائدیلدی.
۱۰ مارس ۲۰۲۳ تاریخینده قیرقیزیستان جمهورباشقانی سادیر جاپاروو کولکتیو گوونلیک آنلاشما هؤرگوتو باش کاتبی ایمانگالی تاسماگامبتووو قبول ائتدی. گؤروشمه‌ده کولکتیو گوونلیک آنلاشما هؤرگوتونون چالیشمالاری، بؤلگه‌سل تهلوکه‌سیزلیک قونولاری اله آلیندی. "پوزولماز قارداشلیق-۲۰۲۳" عسگری مانورو بو ایل قیرقیزیستاندا ائدیله‌جک. بورادا بونو دا ایفاده ائتملیییک کی، ارمنیستان، هؤرگوتون باش کاتیب کؤمکچی‌سی مقامینا یؤنه‌تیچی گؤندرمه‌یه‌جگینی بیلدیردی.
***
گئچه‌ن هفته تۆرک جمهوریتلرینده ایکی اؤنملی فوروم گئرچکلشدیریلدی. آذربایجان پجمهورباشقانلیغی حمایه‌سینده ۱۰.جو باکی فورومو ۹-۱۱ مارس ۲۰۲۳ تاریخلرینده ائدیلدی. اولوسلارآراسی نظامی گنجوی مرکزی طرفیندن ترتیب ائدیله‌ن "دۆنیا بو گون: تهدیدلر و فورصتلر" قونولو فورومون آچیلیشینا جمهورباشقانی ایلهام علییئو قاتیلدی. فوروما ۲۹ اسکی و وظیفه‌ده اولان جمهورباشقانلاری، ۲ باشباخان، ۶ مجلیس باشقانی باشدا اولماق اوزره ۶۱ اؤلکه‌دن ۳۶۰ نماینده قاتیلدی. جمهور باشقانی ایلهام علییئو فوروم چرچیوه‌سینده چوخ ساییدا ایکیلی گؤروشمه ده گئرچکلشدیردی. سون اون سایلده اولوسلارآراسی باکی فورومو جدی بیر اولوسلارآراسی پلتفورما چئوریلدی.
۹-۱۰ مارس ۲۰۲۳ تاریخلرینده عشق‌آباد‌دا "ایقلیم دییشیکلیگی شرطلرینده غذا گوونلیگی اوچون اورتاقلیق" آدلی اولوسلارآراسی فوروم تشکیل ائدیلدی. سؤزو گئدن فوروما اورتا آسیا اؤلکه‌لرینین اکینچیلیک باخانلاری، ایران جمهورباشقانی کؤمکچی‌سی، بیرلشمیش میللتلر تشکیلاتی و دیگر اولوسلارآراسی قورولوشلارین نماینده‌لری قاتیلدیلار. فوروم سونوندا بعضی آنلاشمالار ایمضالاندی.
گئچه‌ن هفته تۆرک جمهوریتلرینین مدنی ایلیشکیلرینی گوجله‌ندیره‌جک گلیشمه‌لر یاشاندی. ۶ مارس تاریخینده تۆرک‌سوی بونیه‌سینده بیر آرایا گلن تۆرک جمهوریتلری یازارلار بیرلیگی باشقانلاری تۆرک‌سوی یازارلار بیرلیگینی قوردولار. بیرلیگین باشقانی اولاراق قازاقیستان یازارلار بیرلیگی باشقانی اولوغ‌بک اسدولت سئچیلدی. تۆرک‌سوی یازارلار بیرلیگینین ایلک توپلانتیسی مارس آیی سونوندا اؤزبکیستاندا ائدیله‌جک.
