آوراسیا اؤلکه‌لرینده گئچه‌ن هفته
آوراسیا اؤلکه‌لرینین مجلیسلری ایشلرینه باشلارکه‌ن تورکیه‌ده زلز‌له‌ده حیاتینی ایتیره‌نلری آندیلار
گئچه‌ن هفته آوراسیا اؤلکه‌لری ایداره‌چیلری اؤنملی یورددیشی سفرلری گئرچکلشدیردیلر. قیرقیزیستان جمهورباشقانی سادیر جاپاروو ۱۲-۱۴ فوریه ۲۰۲۳ تاریخلرینده ماجاریستانا رسمی سفر گئرچکلشدیردی. باشکند بوداپستده جمهورباشقانی سادیر جاپاروو ماجاریستان جمهورباشقانی کاتالین نوواک طرفین‌ن رسمی مراسیمله قارشیلاندی. سادیر جاپاروو، بوداپستده ماجاریستان جمهورباشقانی کاتالین نوواک، مجلیس باشقانی واسلو کؤویر، باشباخان ویکتور اوربان ایله آیری آیری گؤروشمه‌لر گئرچکلشدیردی. جمهورباشقانلاری طرفیندن استراتژیک امکداشلیغی گلیشدیرمه اورتاق بیلدیریسی قبول ائدیلدی. ماجاریستان و قیرقیزیستان آراسیندا آلتی آنلاشما ایمضالاندی. جمهورباشقانی جاپاروو، سفر چرچیوه‌سینده ماجاریستان-قیرقیزیستان ایش فورومونون آچیلیشینا قاتیلدی. سفر چرچیوه‌سینده ۱.جی ماجار-قیرقیز رئکتورلار کنفرانسی گئرچکلشدیریلدی.
تورکمنیستان مجلیس باشقانی قوربان‌قولو بردی‌محمدوو، ۱۱-۱۲ فوریه تاریخلرینده بیرلشمیش عرب امرلیکلرینه سفر گئرچکلشدیردی. قوربان‌قولو بردی‌محمدوو سفر چرچیوه‌سینده بیرلشمیش عرب امرلیکلری جمهورباشقانی محمد بن زاید آل نهیان و باشباخان کؤمکچی‌سی منصور بن زاید آل نهیان ایله گؤروشدو. تورکمنیستان مجلیس باشقانی قوربان‌قولو بردی‌محمدوو، ابوظبی‌ده قالخینما صاندیغی، مصدر، آدنوک و ابوظبی پورت ایداره‌چیلری ایله ده گؤروشمه‌لر گئرچکلشیردی. گؤروشمه‌لرده تورکمنیستانا قویولاجاق سرمایه‌لر، ایکی‌لی ایلیشکیلرله باغلی موختلیف قونولار موذاکیره ائدیلدی. سفرله باغلی اورتاق بیلدیری یاییملاندی و امکداشلیق آنلاشماسی ایمضالاندی.
آذربایجان میللی مجلیسی باشقانی صاحبه غافارووا ۱۲ فوریه تاریخینده روسیایا اوچ گونلوک رسمی سفر گئرچکلشدیردی. ۱۳ فوریه تاریخینده غافارووا، دوما باشقانی ویاچسلاو وولودین ایله گؤروشدو. گؤروشمه سونوندا ایکی اؤلکه مجلیسلری آراسیندا امکداشلیق آنلاشماسی ایمضالاندی.
۱۴ فوریه تاریخینده آذربایجان میللی مجلیسی باشقانی صاحبه غافارووا روسیا فدراسیونو مجلیسی باشقانی والنتینا ماتویئنکو ایله گؤروشدو.
آذربایجان جمهور باشقانی ایلهام علییئو ۱۷ فوریه ۲۰۲۳ تاریخینده مونیخ گوونلیک کنفرانسینا قاتیلماق اوچون آلمانیایا گئتدی. سفر چرچیوه‌سینده جمهور باشقانی علییئو آوروپا بیرلیگی شوراسی باشقانی شارل میشل و دیگر مقاملارلا ایله گؤروشدو. گؤروشمه‌ده گونئی قافقازین مسئله‌لری، انرژی عرضه‌سی قونولاری ماسایا یاتیردیلدی.
***
گئچه‌ن هفته آوراسیا اؤلکه‌لرینین گوند‌مینده ۶ فوریه ۲۰۲۳ تاریخینده تورکیه‌ده میدانا گلن شدت‌لی زلزله واردی. زلز‌له‌ده ۴۰ میندن چوخ اینسان حیاتینی ایتیردی. ۱۰۰ میندن چوخ اینسان یارالاندی.
آوراسیا اؤلکه‌لری بوتون ایمکانلاری ایله تورکیه اوچون سفربر اولدولار. آوراسیا اؤلکه‌لرینین هامیسی تورکیه‌ده‌کی زلز‌له‌یه قیدسیز قالماییب، آختارما قورتارما قروپلارینی گؤندردیلر. بو اؤلکه‌لردن توپلانان کؤمکلر اوچاقلارلا، تریلی‌لرله تورکیه‌یه گلمه‌یه داوام ائدیر. آوراسیا اؤلکه‌لرینین هاراداسا هامیسیندا خالق، تورکیه‌ده‌کی دئپرمدن ضرر گؤرنلر اوچون پول ییغیر. آذربایجان، گورجوستان، قازاقیستان، قیرقیزیستان، اؤزبکیستان و قاقاووزیا جمهورباشقانلاری، گورجوستان باشباخانی، دوما باشقان وکیلی، باخانلار تورکیه ائلچیلیکلرینه گئده‌رک باش‌ساغلیقلارینی چاتدیردیلار. آذربایجان، ارمنیستان و اؤزبکیستان خاریجی ایشلر باخانلاری، قیرقیزیستان فؤوق‌العاده وضعیتلر باخانی زلزله سببی ایله تورکیه‌یه سفر گئرچکلشدیردیلر. آوراسیا اؤلکه‌لرینین مجلیسلری ایشلرینه باشلارکه‌ن تورکیه‌ده زلز‌له‌ده حیاتینی ایتیره‌نلری آندیلار.
