اورتا آسیا جمهوریتلرینده گئرچکلشن اؤنملی اولایلار
گئچهن هفته اورتا آسیا جمهوریتلرینده تۆرک جمهوریتلری آراسیندا امکداشلیغی گوجلهندیرهجک اؤنملی گلیشمهلر اولدو
گئچهن هفته اورتا آسیا تۆرک جمهوریتلرینده اؤنملی گلیشمهلر یاشاندی. بونلارین ان اؤنملیسی اولاراق اؤزبکیستان جمهور باشقانی شؤوکت میرضیایئوین قیرقیزیستانا گئرچکلشدیردیگی سفری سؤیلهیهبیلریک.
اؤزبکیستان جمهورباشقانی شؤوکت میرضیایئو، ۲۶-۲۷ ژانویه ۲۰۲۳ تاریخلرینده قیرقیزیستانا دؤولت سفری گئرچکلشدیردی. جمهورباشقانی میرضیایئوی هاوالیمانیندا قیرقیزیستان جمهورباشقانی سادیر جاپاروو شخصاً قارشیلادی. ایکی اؤلکه جمهور باشقانلاری ۲۷ ژانویه تاریخینده باش باشا و هیئتلر آراسی گؤروشمهلر گئرچکلشدیردی. گؤروشمهلر سونوندا ایکی اؤلکه آراسیندا، سرحدلرین تعیین اولونماسی و چوخ طرفلی استراتژیک امکداشلیغی دا احتیوا ائدن، توپلام ۲۵ آنلاشما ایمضالاندی. بئلهجه تاجیکیستان خاریجینده دیگر اورتا آسیا جمهوریتلری اؤز آرالاریندا سرحد پروبلئملرینی بؤیوک اؤلچوده حله قوووشدورموش اولدولار.
اؤزبکیستان جمهور باشقانی شؤوکت میرضیایئو، قیرقیزیستان سفری اوؤنجهسینده تۆرک دؤولتلری تشکیلاتی باش کاتیبی کوبانیچبک عؤمورعلییئوی قبول ائتمیشدی. ۲۴ ژانویه تاریخینده داشکندده گئرچکلشن قبولدا، تۆرک دؤولتلری تشکیلاتینین ایشلری دانیشیلدی.
بیر باشقا تۆرک جمهوریتلری قورولوشو اولان تۆرک سرمایه صاندیغی باشقانی باگداد آمرهیئو، گئچهن هفته ماجاریستانا سفر گئرچکلشدیردی. باگداد آمرهیئو بوداپستده ماجاریستان باشباخانی ویکتور اوربان، خاریجی ایشلر و خاریجی تیجارت باخانی پتر سیارتو، باشباخان کؤمکچیسی و مالیه باخانی میحالی وارگا ایله آیری آیری گؤروشمهلر گئرچکلشدیردی. باگداد آمرهیئو باشباخان اوربان طرفیندن "ماجاریستان دؤولت لیاقت نیشانی"نا لایق گؤرولدو.
۲۴ ژانویه تاریخینده داشکندده اقتصادی امکداشلیق تشکیلاتی خاریجی ایشلر باخانلاری ۲۶.جی ییغینجاغی ائدیلدی. ییغینجاغا تشکیلاتا عضو اؤلکهلرین خاریجی ایشلر باخانلاری قاتیلدی. عینی گون جمهورباشقانی شؤوکت میرضیایئو ییغینجاق چرچیوهسینده تۆرکیه، آذربایجان، ایران و تۆرکمنیستان خاریجی ایشلر باخانلارینی آیری آیری قبول ائتدی.
۱۸ ژانویه تاریخینده قازاقیستان، ۲۵ ژانویه تاریخینده اؤزبکیستان گازپروم ایله طبیعی گاز امکداشلیق آنلاشماسی ایمضالادی. باتی اؤلکهلرینه صادراتی کسیلهن روسیا، دوغوداکی متفیقلری ایله امکداشلیغینا آغیرلیق وئریر.
۲۳ ژانویه تاریخینده قازاقیستان مجلیس باشقانی ماولن آشیمبایئو قیرقیزیستانا رسمی سفر گئرچکلشدیردی. ماولن آشیمبایئو بیشکئکده قیرقیزیستان مجلیس باشقانی نورلانبک شاکیئو ایله گؤروشدو. ایکی اؤلکه مجلیس باشقانلاری چنگیز آیتماتوو فورومونا قاتیلدیلار. ۲۴ ژانویه تاریخینده قیرقیزیستان جمهورباشقانی سادیر جاپاروو قازاقیستان مجلیس باشقانی آشیمبایئوی قبول ائتدی.
۲۴ ژانویه تاریخینده قازاقیستان جمهور باشقانی قاسیم جؤمرت توکایئو ساخا جمهورتی باشقانی آیسن نیکولایئو ایله گؤروشدو. گؤروشمهده ایکی اؤلکه ایلیشکیلرینین گلیشدیریلمهسی ایمکانلاری اله آلیندی.
***
۲۱ ژانویه تاریخینده اورتا آسیانین بیر باشقا اؤلکهسی اولان تۆرکمنیستاندا پارلمانین ایکی قانادی بیرلشدیریلدی. یئنی یارادیلان خالق مصلحتینین باشقانی اولاراق قوربانقولو بردیمحمدوو سئچیلدی. خالق مصلحتی عینی گون قوربانقولو بردیمحمدووو "میللی لیدئر" اعلان ائتدی. قوربانقولو بردیمحمدوو بوندان سونرا خالقا خیطاب ائدهبیلهجک و پارتی قورولتاییندا دانیشمابیلهجک. خالق مصلحتی آیریجا جمهورباشقانی سردار بردیمحمدوو "اوردو ژنرالی" عنوانی تقدیم ائتدی.
اولایلاردن گؤرولدویو اۆزره، گئچهن هفته اورتا آسیا جمهوریتلرینده تۆرک جمهوریتلری آراسیندا امکداشلیغی گوجلهندیرهجک اؤنملی گلیشمهلر اولدو.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر