آوراسیا جغرافیاسیندا گئچه‌ن هفته
دوغودا اؤزبکیستان و قازاقیستان، باتیدا آذربایجان و تۆرکیه بیر بیرلری ایله چوخ یاخین امکداش‌لیق اؤرنه‌گی سرگیله‌ییرلر
گئچه‌ن هفته تۆرک جمهوریتلرینین گله‌جگی باخیمیندان چوخ اؤنملی بیر گلیشمه یاشاندی. قازاقیستان و اؤزبکیستان بیرلیک آنلاشماسی ایمضالادیلار. ۲۱-۲۲ دسامبر ۲۰۲۲ تاریخلرین‌ده قازاقیستان جمهورباشقانی قاسیم جومرت توکایئو، اؤزبکیستانا دؤولت سفری گئرچگلشدیردی. هاوالیمانین‌دا اؤزبکیستان جمهور باشقانی شؤوکت میرضیایئو، قاسیم جومرت توکایئوی شخصاً قارشیلادی. ائدیله‌ن گؤروشمه‌لردن سونرا، اؤزبکیستان-قازاقیستان بیرلیک آنلاشماسی و اؤزبکیستان-قازاقیستان دؤولت سرحدینین چکیلمه‌سینه دایر آنلاشما ایمضالاندی. داشکند‌ده، ایکی اؤلکه آراسیندا ۱۷ آنلاشما ایمضالاندی. جمهورباشقانلاری اورتاق پروژه‌لره بیرلیکده استارت وئردیلر. ایکی اؤلکه آراسیندا حوکومتلرآراسی و پارلمانلارآراسی قورولوشلارین یارادیلماسی قرارلاشدیریلدی. سفر چرچیوه‌سین‌ده، ۲۱ دسامبر تاریخین‌ده اؤزبکیستان-قازاقیستان بؤلگه‌لرآراسی ایش فورومو تشکیل ائدیلدی. دوغودا اؤزبکیستان و قازاقیستان، باتیدا آذربایجان و تۆرکیه بیر بیرلری ایله چوخ یاخین امکداش‌لیق اؤرنه‌گی سرگیله‌ییرلر. بو وضعیت اؤزل‌ده تۆرک دؤولتلر تشکیلاتینین عمومیتده تۆرک دونیاسینین گوجله‌نمه‌سینه بؤیوک قاتقی وئره‌‌جک.
۲۰ دسامبر ۲۰۲۲ تاریخین‌ده قازاقیستان جمهورباشقانی قاسیم جومرت توکایئو، تۆرک دؤولتلری تشکیلاتی باش کاتیبی کوبانیچ‌بک عؤمورعلییئوی قبول ائتدی. گؤروشمه‌ده تشکیلاتین چالیشمالاری اله آلیندی. تۆرک دؤولتلر تشکیلاتینین بیر سونراکی ۱۰.جو ذیروه‌سی ۲۰۲۳.جو ایلده قازاقیستان‌دا ائدیله‌جک.
تۆرکیه و قیرقیزیستان جمهورباشقانلاری ۱۸ دسامبر تاریخین‌ده دونیا فوتبال تورنمنتی فینال اویونو اوچون گئتدیکلری قطرده بیر آرایا گلدیلر. گؤروشمه‌ده ایکیلی ایلیشکی‌لرله باغلی موختلیف مؤوضوعلار اله آلیندی.
تۆرک دؤولتلرینین گوجله‌نمه‌سی بعضی اؤلکه‌لری قایغیلاندیریر. کرملین یؤنه‌تیمی، گئچه‌ن ایل تاتاریستان باشقانینین "جمهورباشقانی (پرزیدنت)" عنوانیندان ایستیفاده ائتمه‌سینی قاداغان ائتمیشدی. بونون اوزرینه تاتاریستان جمهوریتی مجلیسی "پرزیدنت" یئرینه یالنیز روسجا "گلاوا" (باشقان) عنوانینین ایستیفاده ائدیلمه‌سینی رد ائد‌رک، "باشقان-رئیس" عنوانینین ایستیفاده ائدیلمه‌سینی تکلیف ائتدی. رئیس، عرب اؤلکه‌لرین‌ده اؤلکه باشقانی اوچون ایستیفاده ائدیلیر.
***
آوراسیا جغرافیاسیندا گئچه‌ن هفته میدانا گلن حادثه‌لر آراسیندا، سعودی عربیستانی ایله باغلی اولانلار دقت چکیجی ایدی. مثلاً، ۱۸ دسامبر ۲۰۲۲ تاریخین‌ده آذربایجان جمهورباشقانی ایلهام علییئو، آذربایجان-سعودی عربیستان حوکومتلرآراسی اورتاق کومیسیونو ائش‌باشقانی، سعودی عربیستان سرمایه باخانی خلیل بن عبدالعزیز باشقانلیغین‌داکی سعودی هیئتینی قبول ائتدی. گؤروشمه‌ده، ایکیلی ایلیشکی‌لرله باغلی موختلیف مؤوضوعلار ماسایا یاتیردیلدی.
۱۹ دسامبر ۲۰۲۲ تاریخین‌ده تۆرکمنیستان جمهورباشقانی سردار بردی‌محمدوو، باشکند عشق‌آباددا اؤلکه‌یه ایش سفری گئرچکلشدیرن سعودی عربیستان خاریجی ایشلر باخانی فیصل بن فرحانی قبول ائتدی. گؤروشمه‌ده، ایکیلی ایلیشکی‌لرله باغلی موختلیف قونولار اله آلیندی. خاریجی ایشلر باخانی فیصل بن فرحان، تۆرکمن قونومداشی رشید مردوو ایله موشاویره توپلانتیسی تشکیل ائتدی و سعودی عربیستانین یئنی ائلچیلیک بیناسینین آچیلیشینی گئرچگلشدیردی.
۲۱ دسامبر ۲۰۲۲ تاریخین‌ده گورجوستان باشباخانی ایراکلی گاریباشویلی، سعودی عربیستانا سفر گئرچگلشدیردی. باشباخان گاریباشویلی باشکند ریاض‌دا ولیعهد شاهزاده محمد بن سلمان ایله گؤروشدو. گؤروشمه‌ده اقتصاد، توریزم، نقلیات و سرمایه ساحه‌لرین‌ده ایکیلی ایلیشکی‌لرین وضعیتی اله آلیندی.
گلیشمه‌لردن گؤرولدویو اوزره، تۆرک جمهوریتلری باخیمیندان گئچه‌ن هفته چوخ وئریملی گئچدی. قازاقیستان و اؤزبکیستان تاریخی بیرلیک آنلاشماسینا ایمضا آتدیلار.
ایلگیلی‌لی خبرلر
تۆرک جمهوریتلرینین گوند‌مینده‌کی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
