امریکا-ایران بیلک گولهشی
ستا – سیاست، اقتصادیات و جمعیت آراشدیرمالاری فوندونون (سیاست، اکونومی و توپلوم آراشتیرمالاری واکفی) خاریجی سیاست اوزره اکسپئرتی جان آجونون سؤزوگئدن بو مؤوضوع دا "امریکا -ایران بیلک گولهشی" یازیسینی تقدیم ائدیریک
ستا – سیاست، اقتصادیات و جمعیت آراشدیرمالاری فوندونون (سیاست، اکونومی و توپلوم آراشتیرمالاری واکفی) خاریجی سیاست اوزره متخصی جان آجونون سؤزوگئدن بو مؤوضوع دا "امریکا -ایران بیلک گولهشی" یازیسینی تقدیم ائدیریک.
امریکادا سئچکیلردن سونرا جو بایدنین اقتدارا گلمه سیله مثبت ایرهلیلمهسی گؤزلهنیلن امریکا-ایران موناسیبتلری آتوم موذاکیرهلرینین تیخانماسییلا دوردو، اوستهلیک عراق و سوریه جبههلرینده قارشیدورمالارا چئوریلمهیه باشلادی؛ ایران امریکا حربی بازالارینی هدفه آلیر، امریکا ایسه بیرباشا ایران قوهلرینی بومبالاییر. ایکی اؤلکهنین چکیشمهسی بؤلگهنی ایچینه چکهرک قارشیدورمالاری آرتیریر. سابیق پرزیدنت دونالد ترامپین دؤورونده امریکا-نین ایران سیاستی آددیم-آددیم سرتلشدی، سوندا ایرانا قارشی "ماکسیموم تضییق"ا چئوریلدی. امریکا آتوم موقاویلهسیندن چیخدی، ایرانا قارشی اقتصادی تحریم قویدو، بو اؤلکهنین نفت صادراتینا هئچ بیر شکیلده ایجازه وئریلمهدی. عراق-سوریه-یمن خطینده ایرانا قارشی اولان قوهلر دستکلندی - ایسراییل و کؤرفز اؤلکه لریله بیرگه یارادیلان کوالیسیون ایله ایران اوزریندهکی تضییق گئت-گئده آرتیریلدی. ایرانین قدس قوهلری قوموتانی قاسم سلیمانینین اؤلدورولمهسی و ایرانین حربی سلسله جاوابلاری ایله ایکی اؤلکه حقیقی ساواشین ائشیگینه گلدی. جو بایدنین امریکا پرزیدنتی سئچیلمه سیله ایران علیهینه بو کوالیسیون لغو ائدیلدی، امریکانین ایران سیاستینده بیر یومشالما حیس اولوندو. ایرانلا آتوم موذاکیرهلری یئنیدن باشلاندی و ایکی دؤولت آراسیندا مثبت آبو-هاوا میدانا گلدی. امریکانین یمن-دهکی دؤیوشه دستک قوهلرینی چکمهسی ده بو وضعیته تکان وئردی.
آنجاق طرفلرین یئنیدن گذشت ائتمهین موضع لری آتوم موذاکیرهلرینی تکرار تیخادی و ایکی اؤلکه آراسینداکی گرگینلیک آرتماغا باشلادی. ایسراییل و کؤرفز اؤلکهلرینین امریکا-داکی لوبی فعالیتلری ده بو وضعیته تأثیر ائتدی. نهایت، خصوصیله عراق-دا طرفلر بؤیوک بیر گوج موباریزهسینه گیردی. ایرانین حشدالعشبی شیعه میلیس قوهلری امریکا بازالاری و کونوویلارینی هدفه آلماغا باشلادی. امریکانین ایستیفاده ائتدیگی اربیل هاوا و عین الاسد حربی بازالاری کیمی یئرلر تز-تز راکت مرمیسی و بومبا یوکلو درونلارلا آتشه توتولدو. امریکانین بؤلگهدکی حربی قوهلری هاوا بومباردمانلارییلا ایران میلیسلرینه جاواب وئردی. ایکی اؤلکه و هر بیرینین طرفدارلاری آراسیندا یاشانان بو قارشیدورما سوریه-یه ده سیچرادی. ایران میلیسلری دیرالزورون دوغوسونداکی العمر نفت قویوسو بؤلگهسینده اولان امریکا حربی بازاسینا پیلوتسوز اوچان آپاراتلا هوجوم ائتدی، امریکا البو كمال بؤلگهسیندهکی میلیسلرین قرارگاهینی بومبالادی.
ایندی اصل سوال بودور کی، طرفلر قارشیلیقلی اولاراق بو قارشیدورمالاری نه قدر داوام ائتدیرهجک؟ ایران و امریکا هم آتوم موذاکیرهلرینین یولونا دوشمهسینی ایستییر، هم ده میداندا حربی اوستونلوک موباریزهسی آپاریرلار. بونون ظلمونو ایسه عراق و سوریه کیمی اؤلکهلر چکیر. امریکانین اورتا دوغودان تدریجن گئری چکیلمک ایستهدیگی دؤور ایرانا سانکی جسارت وئریر. ایسراییل و کؤرفز اؤلکهلری ایسه ایکی اؤلکه آراسیندا اؤز ایستهدیکلری روللاری اویناماغا چالیشیرلار.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر