ادلیب بحرانی
ستا-دا وظیفهلی دوچنت موراد یئشیلتاشین "ادلیب بحرانی"آدلی آنالیتیک یازیسی
ستا-دا وظیفهلی دوچنت موراد یئشیلتاشین "ادلیب بحرانی"آدلی آنالیتیک یازیسی
ادلیب اوزون مودتدیر سوریه بحرانینین ایستی جبههلریندن بیری کیمی قالماقدادیر. روسیا و اسد رژیمی 2018-جی ایل سپتامبر آییندا مسکوا و آنکارا آراسیندا سوچی-ده قبول اولونان راضیلاشمایا باخمایاراق ادلیب-ده موخالیفتی و سیویل لری هدف آلاراق ایرهلیلمکده داوام ائدیر. رژیمین هدفی ادلیب-ده موخالیفلری تامامیله کونجه سیخیشدیراراق حربی باخیمدان ضعیفلتمک، بئلهلیکله ده سوریه وطنداش محاربهسینده حربی غلبهسینی اعلان ائتمک اولاراق پلانلاشدیریلدی. بو هدفین قارشیسینداکی یگانه مانع ایسه تورکیه اولاراق گؤرونوردو. نتیجهده رژیم تورکیه-نی ادلیب-ین گونئی ینده یئرلشن موشاهیده منطقهلرینده ناراحات ائدهرک، آنکارانین مقاومتینی سیندیرماق ایستیقامتینده یئنی ایستراتژی ایزلهدی. فوریه نین 3-دن توتموش سوریه رژیمی ادلیبدکی هوجوملارینی یئنی بیر مرحلهیه داشیدی و بیرباشا تورکیه عسگرلرینی هدف آلاراق 8 نفرین هلاکینا سبب اولدو. بو وضعیت ادلیب بحرانیندا یئنی بیر مرحلهیه ایشاره ائدیر.
ادلیب-ده باش وئرنلر موضوعو سونو یاخیندان تعقیب ائدنلر اوچون اصلینده گؤزلنیلمز دئییل. اوزون مودتدن بریدیر روسیا و سوریه رژیمی ادلیب موضوعو سونداکی ایستراتژی لرینی آددیمبااددیم حیاتا کئچیردیلر. بو ایستراتژی نین حیاتا کئچیریلمهسینه سبب اولان بؤیوک-کیچیک موختلیف سببلر سؤز موضوعوسودور. بونلاردان اوولینجیسی ادلیبدکی موخالیفت عنصورلارینین اؤز آرالاریندا بیرلیک یاراتما موضوعوسوندا اوغورسوز اولمالاری ایدی. نتیجهده بو وضعیت “HTŞ” (حیات تحریرالشام) کیمی رادیکال قروپلارین ساحهده حاکمیت قازانماسینا سبب اولمالاریدیر. ایکینجی سبب ایسه روسیانین رژیمین توققوشما قابیلیتینی آرتیرماق ساحهسینده آتدیغی آددیملار ایدی. روسیاداکی حربی هئیتلر رژیمی هم حربی اولاراق دستکلهدیلر، هم ده نیضامسیز قروپلارلا نئجه دؤیوشه جگینی اؤیرتدیلر. البتده بونلاردان علاوه اولاراق روسیانین هاوا هوجوم ایستراتژیسی سون درجه مرهمتسیزدیر. گروزنی مودلینی منیمسهین روس هاوا هوجوملاری شهرلری اول بومبالایاراق اینسانلاردان تمیزلییر، سونرا ایسه شهری موخالیفت قروپلاریندان تامامیله تمیزلمک اوچون محو ائدهجک سویهده یاشانماز حالا گتیریردی. اوچونجوسو ایسه بولگه سل شرطلرین روسیا و سوریه رژیمینه داها سربست بیر موحیط حاضرلاماسی ایدی. رژیم بولگه سل میقیاسدا سوریه بحرانینا قارشی علاقه گؤستریلمهمهسینی بیر فورصت کیمی گؤردو و ادلیبی تامامیله نظارت آلتینا آلماق اوچون حرکته کئچدی. 3 فوریه حادثهسیندن سونرا ادلیب-ده یئنی بیر مرحلهیه کئچیلمیش اولا بیلرمی؟ بو سوالین جاوابی حقیقتدن اهمیتلیدیر و بحرانین گلجیینه تأثیر ائدهجک فاکتلاری احاته ائدیر. بو نقطهده بوندان سونرا تورکیه-نین نئجه آددیم آتاجاغی خیلی اهمیتلیدیر. تورکیه اوچون ادلیب سادهجه بیر تهلوکهسیزلیک مسئلهسی دئییل. ادلیب طرفیندن گلهجک یئنی قاچقین آخینی تورکیه-نی داها دا چتین وضعیتله اوزلشدیره بیلر. پرزیدنت اردوغانا گؤره، 1 میلیونا یاخین قاچقین تورکیه سرحدی ایستیقامتینده ایرهلیلمهیه باشلاییب. بو سببدن تورکیه قاچقینلارین سرحد ایستیقامتینده ایرهلیلمهسینین قارشیسینی آلماق اوچون ادلیب-ده یارانان موجود تابلونو یئنیدن قیمتلندیرمک مجبوریتیندهدیر. تورکیه-نین آلترناتیولری آراسیندا ایکی سئچیم وار. بیرینجی سی موجود وضعیتین داها چوخ درینلشمهسینین قارشیسینی آلماق اوچون رژیمه قارشی داشیندیریجی حربی موضع اورتایا قویماق. نهایت کی، تورکیه عسگرلرینین شهید ائدیلمهسیندن سونرا مودافعه ناظیرلیگینه گؤره تورکیه رژیم طرفینده 70 عسگرین ضررسیز حالا گتیریلمهسینه سبب اولاجاق شکیلده حربی جاواب وئردی. آنجاق بو سئچیم داوام ائتدیریله بیلهجک کیمی قبول ائدیلمیر و تورکیه-روسیا علاقهلرینی دریندن سارسیدا بیلر. ایکینجی سئچیم ایسه موجود وضعیت اوزریندن تورکیه و روسیا آراسیندا یئنی بیر ادلیب راضیلاشماسینین قبول ائدیلمهسیدیر. نه روسیا نه ده تورکیه علاقهلرینین پوزولماسینی ایستمیر. ایکی اؤلکه ده بونون بیر قازانج عوضینه ایتکییه سبب اولاجاغینین فرقیندهدیر. همین سببدن ادلیب بحرانی ایکی اؤلکهنین علاقهلری باخیمیندان بیر تست خصوصیتی داشیییر.
ادلیب بحرانینین اینسانی طرفی ایسه یئنه اولوسلار آراسی توپلومون گوندمیندهدیر. آوروپا بحرانین سادهجه قاچقینلار طرفیله ماراقلانیر و حقیقتدن تورکیه-نین ایشینی آسانلاشدیراجاق و اینسانی بحرانین قارشینی آلاجاق بیر یاناشمادان کناردا موضع اورتاقا قویور. بحرانین حقیقی ضرر چکنلری اوشاقلار، قادینلار و یاشلیلاردان عبارت سیویل وطنداشلاردیر. ادلیب بحرانی درینلشه جگی تقدیرده بونون مالیتی سادهجه تورکیه اوچون یوخ، آوروپا اوچون ده جدی سویهده اولاجاق. بو سببدن ادلیبی سادهجه تورکیه-نین مسئلهسی کیمی گؤرمهمک و حل یولوندا تورکیه-دن طرف اولماق لازیمدیر.