تورک مطبخی (42)

مرجیمک‌لی کوفته

تورک مطبخی (42)

تورک مطبخی (42)

 

تورک مطبخی پروقرامین‌دان هامینیزا سلام عزیز اوخویوجو‌لار. بو گون سیزلرله اساس ماتریا‌لی قیرمیزی مرجی اولان و پیشیرمه‌دن حاضیرلانان وگان بیر یئمک تعریفی پایلاشاجاغیق.

یئمگیمیزین آدی؛ "مرجیمک‌لی کوفته". خصوصیله ات یئمه‌ین اینسان‌لار اوچون قورتاریجی بیر پروتئین قایناغی مرجیمک. باقلاگیل-لر فامیلیا-سین‌دان اولان مرجیمگین هر نوعو تورک مطبخینده تئز-تئز و سئویله‌رک توکه‌دیلیر. سالاتدان پلووا، آشدان بؤیرک‌ه قدر بیر چوخ یئمگین اساس ماتریال مرجیمک. بو گون تعریفینی وئرجگیمیز مرجیمک‌لی کوفته هم چای ساعات‌لاریندا آتیشدیرمالیق اولا‌راق، هم اساس یئمک، هم ده یان یئمک اولا‌راق مصرف ائدیلن چوخ فونکسیونلو لذت‌لی بیر یئمک. ایندی حاضیرسینیزسا بو لذت‌لی وگان یئمگین تعریفینی وئرمه‌یه باشلایا بیلریک.

----------

مرجیمک‌لی کوفته حاضیرلاماق اوچون اوّلجه هر زامان کئچیردیگیمیز کیمی - لازیم اولان ماتریال‌لاریمیزی سایاق؛

1  ایستکان قیرمیزی مرجیمک

2  ایستکان نازیک بغور

2  عدد خیردا دوغرانمیش سوغان

½  ایستکان زیتون یاغی

3  قاشیق بامادور روبّو

½  ایستکان ایستی سو

1  دسته جعفری

6  بوداق یاشیل سوغان

1  لیتر سو

1  شیرین قاشیغی دوز

1  شیرین قاشیغی زیره

1  شیرین قاشیغی پول بیبر

1  شیرین قاشیغی ایستیوت

10  عدد کاهی یارپاغی

---------

زامان گلدی مرجیمک کوفته حاضیرلاماغا. ایلک اولا‌راق بیر سو ایستکانی مرجیمک یودوق‌دان سونرا بیر لیتر سو ایله پیشیرمه‌یه باشلایین. مرجیمک‌لر یومشالیب، آز سولو قالانا قدر پیشیرین. مرجیمک‌لر پیشینجه اوجاغین آلتینی باغلایین و قازانا ایکی سو ایستکانی اینجه بلغوری علاوه ائدین. قازانی‌نین قاپاغینی اؤرتون و 35 ایله 40 دقیقه دمه قویون.

مرجیمک‌لر و بلغور دملنیرکن مرجیمک کوفته‌سینه قاتیلاجاق دیگر ماتریال‌لارین حاضیرلانماسینا کئچه‌بیلیرسیز. اوّلجه کیچیک دوغرانمیش سوغان‌لاری زیتون یاغی قویدوغونوز تاوادا یوموشانا قدر پیشیرین. داها سونرا تاوایا اوچ قاشیق روب علاوه ائدین. سونرا بیر شیرین قاشیغی پول بیبر ایله بیر شیرین قاشیغی ایستیوتو علاوه ائدیب قاریش‌دیرین. تاوایا ½ ایستکان ایستی سو دا علاوه ائتدیک‌دن سونرا 1-2 داشیم قاینادین. حاضیرلادیغینیز روب قاریشیغینی مرجیمک ایله بلغورا قاتیب قاریش‌دیرین و یئنی‌دن قازانی‌نین قاپاغینی باغلایین. سیز ده بو آرادا گؤی سوغانی و جعفری یویوب اینجه اینجه دوغرایین. آبقورا، مرجیمک، بلغور قاریشیغینی بیر قابا آلین، 1 شیرین قاشیغی دوز و 1 شیرین قاشیغی زیره علاوه ائده‌رک یاخشیجا یوغورون. سونرا دوغراییرسینیز گؤی‌لری قاتیب کوفته خرجینی بیر آز دا یوغورماغا داوام ائدین. بوتون ماتریال‌لار یاخشیجا بیر-بیرینه قاریشاندا خرج‌دن قوزدان بیر آز بؤیوک پارچا‌لار قوپاریب الینیزده سیخا‌راق شکیل وئرین و کاهی دیزدیغینیز بوشقابا یئرلش‌دیرین. عافیت اولسون.

-----

تورک مطبخی پروقرامیندا بو گون سیزلره "مرجیمک‌لی کوفته" تعریفی وئردیک. باشقا بیر وئریلیشده بیر باشقا تورک لذتی گؤروشمک اوچون ساغ اولون.

 



ایلگیلی‌لی خبرلر