تورک مطبخی (20)
موج‌وئر کبابی
تورک مطبخی (20)
داها اوّلکی پروقرام‌لاریمیزدا تورک مطبخینده اتسیز بیشیریلن چوخ سایدا یئمک تعریفی اولدوغون‌دان بحث ائتمیشدیک. چوخو آنا یئمک‌دن چوخ، تاماملاییجی، یان یئمک کیمی تقدیم اولونان بو یئمک‌لرین اساس ماتریا‌لی اساساً تروزدور. بو گون سیزلره تعریفینی وئرجگیمیز بیر کباب نوعو "موج‌وئر" ده محض او یئمک‌لردن بیر دنه‌سی. بالقاباغین، پنیر، اون، یومورتا و لذت وئریجی قاریشدیرماسی و سونرا کیچیک پارچا‌لارا بؤلونوب قیزاردیلماسی ایله حاضیرلانان بیر یئمک موج‌وئر. وگان‌لار اوچون اولماسا دا وجترین-لرین آسان‌لیقلا ائده‌جک‌لری بیر یئمک نوعو. تورکیه‌ده گئنیش بوداقلا آپاریلسا دا، موج‌وئر-ی دئمک اولار کی، هر بیر تروز ایله آپارماق دا مومکون. بیز بو گون سیزه بوداقلا کئچیریلن کلاسیک " قاباق‌لی موج‌وئر" تعریفی وئرجگیک.
--------
موج‌وئر تعریفینی وئرمه‌یه کئچمزدن اوّل همیشکی کیمی ماتریال‌لاریمیزی سایاق؛
4-5 عدد کیچیک یاشیل بالقاباق
3 دنه چالینمیش یومورتا
1/3 ایستکان دوغرانمیش جعفری
1/3 ایستکان دوغرانمیش شوگود
1 ½ ایستکان اون
4-5 دنه خیردا دوغرانمیش تزه سوغان
1 ایستکان ازیلمیش آغ پنیر
1 شیرین قاشیغی دوز
1 چای قاشیغی ایستیوت
1/2 ایستکان زیتون یاغی، قیزارتماق اوچون
یوقورد سووسو؛
1 ایستکان یوقورد
1 دیش ساریمساق
-------
زامان گلدی موج‌وئر-ی حاضیرلاماغا؛
اولا، بالقاباق‌لاری رنده‌نین ایری بؤلومو ایله رندلیین. موج‌وئر-ی سولان‌دیرماماسی اوچون، رندلنمیش بوداق‌لاری خفیفجه دوزلایا‌راق 10 دقیقه گؤزلدین. سولارینی سالمیش اولان بالقاباق‌لارین سویونو یاخشیجا سیخا‌راق چیخارین و گئنیش بیر قابا آلین. اوزرینه چالینمیش یومورتا، دوغرانمیش تزه سوغانی، شوگودو، جعفری، دوزو، ایستیوتو و 3 قهوه فینجانی اونو علاوه ائدین. بوتون ماتریال‌لار ایله قاریشدیریب، معجون قیوامی آلانا قدر بیر قاشیق و یا قاریشدیرما وسایلی کمکی ایله قاریش‌دیرین. بو آرادا قیزارتما یاغینی قیزدیرین. قاباق‌لی خمیردن بیر خؤرک قاشیغی قدر بؤلوملر آییریب قیزدیریجی یاغدا قیزاردین. موج‌وئر-لرین آرتیق یاغین حولو کاغیذا سوزدوره‌رک سونرا بوشقابا آلین. سووسو حاضیرلاماق اوچون بیر ایستکان قاتقی، پارچالانمیش بیر دیش ساریمساقلا چالین. موج‌وئر-لری اوتاق ایستیده و یا سویوق اولا‌راق اوزرینه قاتیق‌لی سوسو تؤکه‌رک سرویس ائدین. عافیت اولسون
----------
تورک مطبخی پروقرامیندا بو گون سیزلره تورک مطبخی‌نین اوزولونماز لذت‌لرین‌دن بیر اولان "موج‌وئر" تعریفی وئردیک. باشقا بیر وئریلیشده بیر باشقا تورک لذتی گؤروشمک اوچون ساغ اولون.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
