آژانس آوراسیا(28)

بو پروقرامدا آوراسیا گوندمینین نبضینی توتاجاغیق

67948
آژانس آوراسیا(28)

سلام حؤرمتلی اوخویوجولار، بو گون دونیانین همن هر اؤلکه‌سینده قارشیلاشدیغیمیز تورک مهندیس‌لیک خیدمت‌لرینی اله آلاجاغیق.
------------------------------
تورک تیکینتی سکتوروندا رکورد اوستونه رکورد قیریر.2012-جی ایلده سکتورون بوینونا گؤتوردوگو پروژه‌لرین اوزی 26 میلیارد دولاری آشدی. بو رقم تیکینتی سکتوروندا ایللیک بازدا بو گونه قدر چاتیلان ان بؤیوک دگر. تورک تیکینتی ایش ایله اوغراشانلارین پروژه بوینونا گؤتوردوگو اؤلکه سایسی ایسه 100-ه چاتدی. بو قروپ طرفیندن اوستنیلن ان بؤیوک پروژه‌لرین آراسیندا اتیوپی‌دکی دمیریولو خطی پروژه‌سی، تورکمنیستانداکی اولیمپیاد کؤیو 2 اینجی مرحله ایشلری، روسیا‌داکی گوزئیی پتربورگ اوتویول پروژه‌سی و بیرلشمیش عرب امیرلیکلریندکی ابوظبی هاواآلانین گئنیشلندیریلمه‌سی پروژه‌لری دقت چکیر. خاریجده تیکینتی سکتورونو رکوردا داشییان اؤلکه‌لرین باشیندا تورکمنیستان گلیر. کئچن ایل تورکمنیستاندا چیخاریلان 80 پروژه‌نین جمعی بدلی 5 میلیارد دو‌لارا چاتدی. عراق تورکیه‌نین بینا تیکدیغی بیر دیگر اؤلکه. عراقدا کئچن 2012-جی ایلده اوستنیلن 114 پروژه‌نین بوتون دگری 4،5 میلیون دو‌لارا چاتدی. دونیانین بیر چوخ اؤلکه‌سینی سانکی یئنی‌دن اینشا ائدن تورک وارلی 2013و ده بوش گئچمدیم.
2013 یورد خاریجینده 20 میلیارد دو‌لار ایش آلدی‌لار. اورتا آسیانین طبیعی گاز سرمایه‌داری اؤلکه‌سی تورکمنیستاندا تورک شیرکت‌لری بؤیوک پروژه‌لرین مناقصه‌سینی قازاندی. پروژه‌لر آراسیندا، پایتخت عشق آباد اولوسلار آراسی هاوا لیمانی، تورکمنیستان لیمانی، اولیمپیاد کومپلکسی کیمی بویوک بینالار وار. تورک شیرکت‌لری‌نین بو بؤیوک ایشلری آلماسیندا تورکمنیستان دولت باشقانی بردی محمد اوفون دا اهمیت‌لی دستگی وار. بو ایشلرله بیرلیکده تورک ایشچی‌لر اوچون بؤیوک بیر استیخدام ساحه‌سی یارادیلدی. بو اؤلکه‌دکی تورک ایشچی‌لرین سایی‌نین 15 مینه چاتدیغی بیلدیریلیر. غیری صافی یورد ایچی گلیر‌نین یوزده 6-دان چوخونو تشکیل ائدن و تخمینن 1،4 میلیون نفرا ایش یارا‌دان و دیگر سکتورلار اوزرینده بیرباشا و دولایی تأثیرلری دقته آلیندیغیندا تورک اقتیصادین‌داکی پایی یوزده 30‌لارا چاتان تیکینتی سکتورو تورکیه‌نین اقتصادی گلیشمهیندا دا چوخ اهمیت‌لی بیر رول اویناییر.
تورکیه بوتون دونیایا یاییلان معمار، مهندیس و ایشچیلریله دونیانی تیکمکله قالمیر، عینی زاماندا تاریخه و مدنی ارثه ده صاحب چیخدی. مختلیف سبب‌لرله تخریب اولان، ایتمه‌یه اوز توتان و یئرلشدیگی جوغرافیادا بیلینمه‌ین معماری اثرلرین وضعیت تثبیت‌لرینی ائده‌رک، یوخ اولما‌لاری‌نین اؤنونه کئچیر، بیلینملرینی، تانینما‌لارینی تامین ائدیر. معمار سینانین شاگیردی معمار خیرالدین طرفین‌دن 1556-جی ایلده تیکیلن تاریخی موستار کؤرپوسونون 9 می 1993-جو ایلده بوسنی-هرسکدکی ساواشین ان مرحمت‌سیز سالدیریلاریندان‌ بیری‌نین قوربانی اولدو. عصرلر بویو بوسنی‌‌ده خوشگؤروش و مدنی تنوعونون سمبوولو اولان بو تاریخی کؤرپو کوروات بیرلیک‌لری‌نین تانک آتیش‌لارینا دؤزه بیلمه‌یه‌رک 9 نوامبردا نراتوانین سولارینا اؤزونو بوراخدی.
موستارین روحو، بویونباغیسی 427 ایل سونرا یوخ اولموشدو. آنجاق بو مدنی ارثین قتل ائدیلیشی‌نین ثانیه ثانیه گؤستریلمه‌سی سایه‌سینده دونیا بو حادثه‌یه سس‌سیز قالمادی.
تورکیه‌نین جهدلریله اصلینه اویغون اولا‌راق تیکیلن موستار کؤرپوسو، 2004-جو ایلده یئنی‌دن نراتوانین قول‌لاریندا مدنیت‌لری بیرلشدیرمه وظیفه‌سی اوستلندی.
کریمه‌ده 1500-جی ایلده تیکیلن و کریمه خانی 1-جی منگ‌لی گیرایین تیکیلمه‌سینده شخصاً چالیشدیغی زنجیرلی مدرسه یئنه تورکیه طرفین‌دن رستوره ائدیلدی. شرقی اوروپانین ان اسکی تحصیل موسسیسه‌لری آراسیندا یئر الان ایللرین گتیردیگی کؤهنلمه و باخیمسیزلیق سببیله ایستیفاده ائدیله‌بیلمز حالا گلن 5 عصرلیک مدر‌سه "تیکا"نین باشلاتدیغی رستوره ایشلریله تعمیر ائدیلدی. عصرلر بویونجا منطیق، فلسفه، خیطابه، حقوق، ریاضیات، آسترونومی درس‌لری وئریلن مدر‌سه کریمه‌دکی تورک وارلیق‌لاری‌نین سرگیلنه‌جگی موزه اولا‌راق خیدمت ائدیر. تورکیه آتاواتان تورکمنیستانداکی اجداد میراث‌لارینا صاحب چیخیر. ایکی اؤلکه‌نین اورتاق دگری اولان بیر چوخ اثر رستوره ائدیلدی.
بو ایشلردن ان اهمیت‌لی‌سی ییخیلماغا اوز توتان سلطان سنجر توربه‌سی اولدو.
بؤیوک سلجوق‌لو دولتی‌نین سون سلطانی سنجرین مرو شهرین‌دکی توربه‌سی تیکا طرفین‌دن اصلینه اویغون رستوره ائدیلدی. تیکانین ان بؤیوک چالیشماسی ایسه سلطان آلپ ارسلان پروژه‌سی. جمهور باشقانی عبدالله گول‌له تورکمنیستان دولت باشقانی قوربان قولو وئردی محمد اوفون ایمضاسییلا تیکایا سلطان آلپ ارسلانین مزاری‌نین تاپیلماسی و توربه‌نین تیکمه وظیفه‌سی وئریلدی. مروده باسدیریلدیغی بیلینن سلطان آلپ ارسلانین مزاری مونقول ایستیلاسیندا ایتمیشدی. تورکیه یالنیز تاریخه صاحب چیخان پروژه‌لره دئییل تورک دونیاسینی گله‌جکله گؤروش‌دورن اثرلره ده ایمضا آتیر.
قزاقیستانین آبادلیغینا بؤیوک قاتقی وئرن تورک مهندیسلری‌نین ان اهمیت‌لی اثرلرین‌دن بیری ده آستاناداکی باریش پیرامیدی‌دیر. دین‌لر آراسی تولرانسلیغین و دونیا باریشینین سمبولو اولماسی اوچون 35 مین متر مکعب‌لیک ساحه‌یه تیکیلن، 62 متر یوکسکلیگین‌دکی اثرده، آستانا اونیورسیته‌سی، اوپرا، موزه، مدنیت مرکزی، قیش باغی، کونفرانس سالونو، کیتاب‌خانا، رستوران و 18 دینین معبدلری یئر آلیر.
پیرامیدده باریش سمبول‌لاری اولا‌راق ماوی، آغ، گؤیرچین، زیتون بوداغی و گؤی قورشاغی ایستیفاده ائدیلدی. سمایا دوغرو آچیلمیش ایکی ال اثری داها دا معنا‌لی ائدیر.
پیرامیدین تیکیمی‌نین پولاد، گرانیت، داش، مرمر و خصوصی چیخاریلان رنگ‌لی شوشه‌لر ایستیفاده ائدیلدی. دونیا طرفین‌دن مشهور معمار نورمان فوستر پروژه‌سینی چکدیگی قورولوش، یای‌لاری +40 درجه‌ ایله، قیش‌لاری -40 درجه آراسیندا بؤیوک دگیشمه گؤسترن چتین ایقلیم شرط‌لری آلتیندا 21 آی کیمی چوخ قیسا بیر زاماندا تاماملادی. معمارلیق فیکیر پروژه‌سی خاریج هامیسی تورک مهندیس، معمار، اوستا و ایشچی‌لری‌نین اثری اولان باریش پیرامیدی اوکتوبر 2006 تاریخینده تامام‌لانا‌راق گؤرکم‌لی بیر مراسیمله ایشلتمه‌یه آچیلمیش‌دیر. آذربایجاندا آلئو قولله‌لرینه تیکن تورک فیرماسی اؤلکه‌نین یئنی سمبولو حیدر علیئف مدنیت مرکزی‌نین ده آچیلیشینی ائتدی. 205 میلیون آورویا باشا گلن حیدر علیئف مرکزی دونیا طرفین‌دن مشهور معمار زها حدید طرفین‌دن حاضیرلاندی. آذربایجان قوروجو دولت باشقانی علیئفه حصر اولونموش کومپلئکس آذربایجان میتولوژیسینه گؤره خزر دنیزی‌نین یوکسلیشینی معماریه عکس ائتدیریر. هامیسی تورک مهندیس‌لیگی‌نین و ایشچی‌لیگی‌نین موفقیتی اولان پروژه 3،5 ایلده تاماملاندی دئییریک و پروقرامی نقطه‌لیریک.
هامینیزا ساغلیق‌لار دیلییریک.


اتیکتلر:

ایلگیلی‌لی خبرلر