ایستانبول‌دا صنعت هفته‌سی

آذربایجان جمهوریتینین ۱۰۵-جی ایلی، تورکیه جمهوریتینین ۱۰۰-جو ایلی و حیدر علی‌یئوین دوغومونون ۱۰۰-جو ایلی سببی ایله حاضرلانان ظفر موژده‌سی سرگیسی آتاتورک مدنیت مرکزینده ۵ جولایا قدر آچیق اولاجاق

2158021
ایستانبول‌دا صنعت هفته‌سی

ایستانبول‌دا بو هفته بیر بیریندن فرقلی بیر چوخ فعالیتله خاریجی صنعتچیلرین قاتیلاجاغی کونسرت، سرگی، تاتر و بنزر گؤستریلر صنعت‌سئورلری بیر آرایا گتیره‌جک.

ایستانبول بؤیوک‌شهر بلدیه‌سی شهر تاترلاری، صاباح تورکیه ساعاتییلا ۱۹:۳۰دا حربیه محسن ارتوغرول صحنه‌سینده ژاپونون گله‌نکسل تاتری نوهو قوناق ائد‌جک.

اکلکتیک کلت (سلتیک) موسیقیسی ایله دقت چکه‌ن کانادالی مغنی و بسته‌کار لورینا مک‌کنیت ده صاباح تورکیه ساعاتییلا ۲۱.۰۰ده حربیه آچیق هاوادا صحنه‌یه چیخاجاق.

سول نؤوعونون اؤنملی قروپلاریندان بلک پوماس ایسه "پ‌س‌م لاوز سامر بای %۱۰۰ موزیک" چرچیوه‌سینده صاباح زورلو پ‌س‌م‌ده صحنه‌یه چیخاجاق.

مشهور گیتار صنعتچیلریندن سوئدلی اینگوی مالمستین ۶ جولایدا، روس پیانیست ائوگنی گرینکو ایسه ۳ جولایدا حربیه جمیل توپوزلو آچیق هاوا تاتریندا سئونلری ایله گؤروشه‌جک.

آذربایجان جمهوریتینین ۱۰۵-جی ایلی، تورکیه جمهوریتینین ۱۰۰-جو ایلی و حیدر علییئوین دوغومونون ۱۰۰-جو ایلی سببی ایله حاضرلانان ظفر موژده‌سی سرگیسی آتاتورک مدنیت مرکزینده ۵ جولایا قدر آچیق اولاجاق.

تورکیه جمهوریتی جمهورباشقانلیغی دؤولت آشیولری باشقانلیغی و قوزئی مقدونیه جمهوریتی دؤولت آرشیولری امکداشلیغیلا کاغیت‌حانه‌ده‌کی عثمانلی آرشیوی دایره باشقانلیغیندا آچیلان "سند و شکیللرله عثمانلی دؤورونده مقدونیه" سرگیسی ده صنعت‌سئورلری گؤزله‌ییر.