ناپلئونون بؤرکو ۱،۹ میلیون یورویا ساتیلدی

اسکی فرانسا ایمپراتورو ناپلئون بناپارتین بؤرکو، آچیق آرتیرمادا ۱،۹ میلیون یورویا ساتیلدی.

بناپارتین ۱۹.جو عصرده فرانسا ایمپراتورلوغونو یؤنه‌تدیگی دؤنمده قوللاندیغی ایکی قولاقلی بؤرک، فرانسانین باشکندی پاریسده‌کی اوسنات ساتیش ائوینده تشکیل ائدیله‌ن آچیق آرتیرمادا، ۱،۹ میلیون یورویا ساتیلدی.

مزایده‌چی ژان پیر اوسنات وئردیگی آچیقلامادا، "اینسانلار بو بؤرکو هر یئرده تانیدی. ساواش میدانلاریندا گؤردوکلرینده ناپلئونون اورادا اولدوغونو بیلیردیلر. شخصی حیاتیندا دا بؤرکو یا باشیندا یا دا الینده داشییار، بعضاً ده یئره آتاردی. بو بیر سیمگه ایدی، ایمپراتورون سمبولو ایدی" دئدی.

بؤرکو ساتین آلان شخصین کیملیگی آچیقلانمادی.