تورکیه‌یه گلن قوناق ساییسی ۴۵ میلیون نفری گئچدی
"۲۰۲۳ ایلی ژانویه-سپتامبر دؤنمینده اؤلکه‌میزه گلن توریست ساییسی ۴۵،۲ میلیون نفر اولموشدور"
کولتور و توریزم باخانی محمد نوری ارسوی، بو ایل ژانویه-سپتامبر دؤنمینده تورکیه‌یه گلن قوناق ساییسینین ۴۵،۲ میلیون نفر اولدوغونو ایفاده ائتدی.
ارسوی، تورکیه بؤیوک میللت مجلیسی پلان و بودجه کمیسیونوندا، باخانلیغینین ۲۰۲۴ ایلی بودجه‌سینین سونوموندا، تورکیه‌نین بوتون دونیانین قبول ائتدیگی بیر توریزم اؤلکه‌سی اولدوغونو، توریزم‌ده باشارینین ایلک آددیمینین ایسه تانیتیمدان گئچدیگینی سؤیله‌دی.
گئچه‌ن ایل تورکیه‌یه، بیر اؤنجه‌کی ایله گؤره یوزده ۷۱ آرتیشلا ۵۱،۴ میلیون نفرین گلدیگینی خاطیرلادان ارسوی،
"۲۰۲۳ ایلی ژانویه-سپتامبر دؤنمینده اؤلکه‌میزه گلن توریست ساییسی ۴۵،۲ میلیون نفر اولموشدور. قوناق ساییسیندا اولدوغو کیمی توریزم گلیرلرینده ده یئنه یوکسلیش اولموشدور. آدام باشی گئجه‌لیک گلیر ۲۰۲۲.جی ایلده ۸۹ دلارا، ۲۰۲۳.جو ایلین ایلک ۹ آیلیق دؤنمده ایسه ۱۰۰ دلارا یوکسلمیشدیر.
بو، ۲۰۱۷.جی ایله مقایسه‌ده یوزده ۵۵لیک آرتیشا برابر گلمکده‌دیر. توریزم گلیریمیز ایلک ۹ آیدا ۴۲ میلیارد دلار اولوب، اورتا وعده‌لی پلان هدفی اولان ۵۵،۶ میلیارد دلار ایله ده اویغون شکیلده گئتمکده‌دیر" دئیه دانیشدی.
