ت‌رت بلگه‌سلی امی اؤدولو آلدی
آمریکا بیرلشمیش دؤولتلرینین نیویورک شهرینده تشکیل ائدیله‌ن مراسیمده اؤدولو، بلگه‌سلین یاپیمچیلاری محسین النعیمی و آلکساندره پاولیات آلدی
تورکیه رادیو تلویزیونو قورومو (ت‌رت)، ان پرستیژلی تلویزیونچو‌لوق اؤدولو امی‌نی قازاندی.
ت‌رت وورلد طرفیندن حاضرلانان اؤدوللو بلگه‌سل سریسی "آف د گرد"ین اوکراینادا چکدیگی "یوکرین وورتایم دایریس" (اوکراینا ساواش گونلوکلری) بؤلومو، اولوسلارآراسی تلویزیون صنعتلری و بیلیملری آکاد‌میسی طرفیندن وئریله‌ن اولوسلارآراسی امی اؤدوللرینین "خبر و گونجل حادثه‌لر" کتگوریسینده مینلرجه اثر آراسیندان اؤدوله لایق گؤرولدو.
آمریکا بیرلشمیش دؤولتلرینین نیویورک شهرینده تشکیل ائدیله‌ن مراسیمده اؤدولو، بلگه‌سلین یاپیمچیلاری محسین النعیمی و آلکساندره پاولیات آلدی.
اؤدول مراسیمینه قاتیلان ت‌رت باش مودور کؤمکچیسی عمر فاروق تانری‌وئردی، "طبیعی کی غرورلویوق موتلویوق. آلدیغیمیز بو اؤدول ت‌رت وولدون اولوسلارآراسی خبرچیلیک و یایینچیلیقدا چاتدیغی نقطه‌نین اثباتیدیر. باشدا آف د گرد قروپو اولماق اوزره امگی گئچه‌ن بوتون یولداشلاریمیزی قوتلاییرام" دئدی.
ت‌رت وورلد کانال کووردیناتورو بورا بایراقدار ایسه بو ایفاده‌لری ایشلتدی:
"بو اؤدول هر شئی‌دن اؤنجه ت‌رت وورلدون ت‌رت‌نین قوروموموزون نه قدر باشاریلی اولدوغونو اولوسلارآراسی ایستانداردلاردا یایین یاپدیغینی، اولوسلارآراسی ایستانداردلاردا قزئتچیلیک ائتدیگینی گؤسترمیش اولدو. یعنی آمریکادا تلویزیونچولوغون ان بؤیوک اؤدولو بو. ایلک دفعه بیر تورک یاپیمی بلگه‌سل بو اؤدولو قازاندی. او باخیم‌دان چوخ غرورلویوق".
محسین النعیمی و آلکساندره پاولیاتین حاضیرلادیغی و حاکان حوجااوغلونون گؤرونتوله‌دیگی، اوکراینادا چکیله‌ن بلگه‌سل، ۲۰۲۲ فوریه‌ده باشلایان ساواشین داغیدیجی اوزونو چارپیجی شکیلده ایزله‌ییچی ایله بولوشدوررکه‌ن، روسیا اوردوسونون چکیلدیگی یئرلرده‌کی وطنداشلارین حیاتلارینداکی دییشیمی اله آلیر.
