تورکیه‌یه ۸ آیدا ۳۶ میلیوندان چوخ قوناق گلدی
۸ آیلیق اولاراق تورکیه‌یه گلن خاریجی توریست ساییسیندا گئچه‌ن ایلین عینی دؤنمینه مقایسه‌ده یوزده ۱۳،۹۵ آرتیش یاشاندی
تورکیه، ایلین ۸ آیلیق دؤنمینده ۳۶ میلیون ۷۵۴ مین ۱۴۶ قوناق آغیرلادی.
مدنیت و توریزم باخانلیغینین آچیقلاماسینا گؤره، سپتامبر آیینا قدر تورکیه‌یه ۳۳ میلیون ۴۲۶ مین ۹۴۰ خاریجی و ۳ میلیون ۳۲۷ مین ۲۰۶ یورددیشی ایقامتلی وطنداش گلدی.
۸ آیلیق اولاراق تورکیه‌یه گلن خاریجی توریست ساییسیندا گئچه‌ن ایلین عینی دؤنمینه مقایسه‌ده یوزده ۱۳،۹۵ آرتیش یاشاندی.
بو دؤنمده تورکیه‌یه ان چوخ قوناق گؤندره‌ن اؤلکه‌لر سیرالاماسیندا، گئچه‌ن ایلین عینی دؤنمینه گؤره روسیا فدراسیونو یوزده ۴۴،۸۴ آرتیش و ۴ میلیون ۳۵۱ مین ۲۵۴ نفرله بیرینجی، آلمانیا یوزده ۶،۰۳ آرتیش و ۴ میلیون ۸۲ مین ۹۹۴ قوناقلا ایکینجی، اینگیلتره ایسه یوزده ۱۲،۳۶ آرتیش و ۲ میلیون ۶۵۲ مین ۱۸۸ توریستله اوچونجو اولدو. بو اؤلکه‌لری سیراسییلا بولقاریستان و ایران ایزله‌دی.
تورکیه‌یه آگوست آییندا گلن خاریجی قوناق ساییسی، گئچه‌ن ایلین عینی آیینا گؤره یوزده ۵،۶۵ آرتیشلا ۶ میلیون ۶۶۰ مین ۷۰۰ اولدو.
آگوست‌دا ان چوخ توریست گؤندره‌ن اؤلکه‌لر سیرالاماسیندا ایسه بیر اؤنجه‌کی ایلین عینی آیینا نیسبتله یوزده ۱،۵۲ آرتیش و ۸۷۱ مین ۲۷۰ نفرله آلمانیا بیرینجی، یوزده ۵،۶۸ آرتیش و ۸۵۲ مین ۶۴۰ توریستله روسیا فدراسیونو ایکینجی، یوزده ۶،۹۶ آرتیش و ۵۸۸ مین ۴۴۸ نفرله اینگیلتره اوچونجو سیرادا یئر آلدی. سیرالامانی ایران و لهستان ایزله‌دی.
