مصرده مومیالاما آتلیه‌لری کشف ائدیلدی
قازینتیلاردا، اینسان و حیوانلارین مومیالاما ایشلری اوچون ایستیفاده ائدیله‌ن آتلیه‌لر، مزار و هیکللر ایله چاناق چؤلمک پارچالاری تاپیلدی
مصرین گیزا شهرین‌ده یئر آلان تاریخی ساکارا بؤلگه‌سین‌ده بطلمیوس خاندانلیغی و ۳۰.جو فرعون خاندانلیغی دؤنمینه عاید یئنی اثرلر کشف ائدیلدی.
بؤلگه‌ده ائدیله‌ن قازینتیلاردا، اینسان و حیوانلارین مومیالاما ایشلری اوچون ایستیفاده ائدیله‌ن آتلیه‌لر، مزار و هیکللر ایله چاناق چؤلمک پارچالاری تاپیلدی.
مصر اسکی اثرلر یوکسک شوراسی باش کاتیبی مصطفی وزیری، آتلیه‌لردن اینسانلاری و قوتسال حیوانلاری مومیالاماق اوچون ایستیفاده ائدیلدیگینی سؤیله‌دی.
وزیری، آتلیه‌لرده آرکئولوگلارین مومیالامادا ایستیفاده ائدیلدیگی آیدین اولان گیل قابلار و دیگر اشیالارین یانین‌دا مراسیم قابلاری دا تاپدیقلارینی دیله گتیردی.
ساکارا آرکئولوژی ساحه‌نین مودورو صبری فرج ایسه، مزارلارین، مصرین اسکی کراللیغیندان اوست سویه بیر مقاما و یئنی کراللیق‌دان بیر راهبه عاید اولدوغونو ایفاده ائتدی.
