مروه دیزدار ان یاخشی قادین اویونچو اؤدولونو آلدی

فرانسادا تشکیل ائدیله‌ن ۷۶.ی کن فیلم فستیوالین‌دا ان یاخشی قادین اویونچو اؤدولونو "قورو اوتلار اوستونه" فیلمینده‌کی رولویلا تورک اویونچو مروه دیزدارا وئریلدی.
سینما دونیاسینین ان اؤنملی فعالیتلرین‌دن ۷۶.جی کن فیلم فستیوالین‌دا اؤدول قازانانلار آچیقلاندی.
اویون‌چو مروه دیزدار، نوری بیلگه جئیلانین یؤنتمنلیگینی ائتدیی "قورو اوتلار اوستونه"' فیلمین‌ده‌کی رولو ایله ان یاخشی قادین اویون‌چو اؤدولونون صاحبی اولدو.
تورکیه رادیو تلویزیون قورومو (ت‌رت) یاپیمی فیلم، دوغو آنادولودا مجبوری خیدمتینی ائتمک‌ده اولان نقاشی اؤیرتمنی صمدین باشینا گلن و معنا وئرمکده چتینلیک چکدیگی حادثه‌لره اوداقلانیر.
بو آرادا، "قورو اوتلار اوستونه" فیلمی، دونیادا ایلک گؤستریمینی ده فستیوال‌دا ائتدی.
فستیوال‌دا فرانسالی یؤنتمن جاستین تریتین یؤنتمنلیگینده آناتومی آف آ فال، قیزیل نخل اؤدولونون صاحبی اولدو.
ژوری بؤیوک اؤدولونو د زون آف اینترست فیلمی قازاندی.
ان یاخشی سناریو اؤدولو مونستر فیلمینه وئریلدی، ان یاخشی کیشی اویونچو اؤدولونه ایسه عینی فیلمینده‌کی رولویلا کوژی یاکوشو لایق گؤرولدو.