مغنی تینا تورنر حیاتینی ایتیردی

آمریکادا دوغولان صنعتچینین سونرادان وطنداشلیغینی آلدیغی سوئیسین زوریخ شهرین‌ده‌کی ائوین‌ده، اوزون سوره‌ن بیر خسته‌لیک نتیجه‌سینده بو گون وفات ائتدیگی قید ائدیلدی

1990692
مغنی تینا تورنر حیاتینی ایتیردی


آمریکالی مغنی تینا تورنر، ۸۳ یاشین‌دا حیاتینی ایتیردی.
گوج‌لو سسی و طرزی ایله "راک اند رول کرالیچه‌سی" اولاراق آدلاندیریلان تورر، سؤز یازارلیغی، رقصلری و آکتورلوغویلا دا بیلینیردی.
۱۹۵۰لرین سونون‌دا موسیقی دونیاسینا آددیم آتان تورنر، ۲۰۰۹ ایلینه قدر صحنه حیاتینا داوام ائدرکه‌ن، گرمی باشدا اولماق اوزره بیر چوخ اؤدول آلدی و آلبوملاری دونیا سویه‌سین‌ده ۱۰۰ میلیون‌دان چوخ ساتیلدی.
آمریکادا دوغولان صنعتچینین سونرادان وطنداشلیغینی آلدیغی سوئیسین زوریخ شهرین‌ده‌کی ائوین‌ده، اوزون سوره‌ن بیر خسته‌لیک نتیجه‌سینده بو گون وفات ائتدیگی قید ائدیلدی.
بو آرادا آمریکا بیرلشمیش دؤولتلری باشقانی جو بایدن، ۸۳ یاشین‌دا حیاتینی ایتیره‌ن مشهور سس صنعتچی‌سی تینا تورنرین عائله‌سی و سئونلرینه باش‌ساغلیغی وئردی.
بایدن، تورنرین وفاتییلا باغلی یاییملادیغی یازیلی مئساژین‌دا، تورنرین ۱۲ گرمی اؤدولو قازاناراق پاپ، راک و ر&ب کیمی فرق‌لی موسیقی کتگوریلرین‌ده چوخ طرفلی موسیقی ایشله‌دیگینه دقت چکدی.
تورنرین کونسئرتلرینه میلیونلارین آخین ائتدیگینه دقت چکه‌ن بایدن، صنعتچینین "آمریکا موسیقی‌سینی سون‌سوزا قدر دییشدیره‌ن، نادیر بیر یئته‌نک اولدوغو" دگرلندیرمه‌سینی وئردی.



ایلگیلی‌لی خبرلر