تورکیه‌نین اوشاق جمعیتی
اوشاق جمعیتینین یوزده ۵۱،۳ونو اوغلان، یوزده ۴۸،۷سینی قیز اوشاقلار میدانا گتیردی
تورکیه‌نین، گئچه‌ن ایل سونو اعتیبارییلا ۲۲ میلیون ۵۷۸ مین ۳۷۸ اولاراق معین اولونان اوشاق جمعیتی، اؤلکه اهالیسینین یوزده ۲۶،۵ینی اولوشدوردو.
تورکیه استاتیستیک قورومو، ۲۰۲۲-جی ایله باغلی اوشاق استاتیستیکلرینی آچیقلادی.
آدرسه دایالی جمعیت ثبت سیستمی نتیجه‌لرینه گؤره، ۲۰۲۲ ایل سونو اعتیبارییلا تورکیه اهالیسی ۸۵ میلیون ۲۷۹ مین ۵۵۳ نفر ایکن بونون ۲۲ میلیون ۵۷۸ مین ۳۷۸ینی اوشاقلار اولوشدوردو.
اوشاق جمعیتینین یوزده ۵۱،۳ونو اوغلان، یوزده ۴۸،۷سینی قیز اوشاقلار میدانا گتیردی.
آوروپا بیرلیگی عضوو ۲۷ اؤلکه‌نین اوشاق جمعیتی نیسبتلری آراشدیریلدیغیندا، ۲۰۲۲-جی ایلده اوشاق جمعیتی نیسبتینین آوروپا بیرلیگی اورتالاماسی یوزده ۱۸،۱ اولدو.
آوروپا بیرلیگی عضو اؤلکه‌لری ایچی‌ده ان چوخ اوشاق جمعیتی نیسبتینه صاحب اؤلکه‌لر سیراسییلا یوزده ۲۳،۶ ایله ایرلند، یوزده ۲۱،۳ ایله فرانسا، یوزده ۲۱ ایله سوئد اولاراق قید ائدیلدی.
اوشاق جمعیتی نیسبتینین ان آشاغی اولدوغو اؤلکه‌لر ایسه سیراسییلا یوزده ۱۵،۶ ایله ایتالیا، یوزده ۱۵،۸ ایله پرتغال، یوزده ۱۵،۹ ایله مالتا اولدو.
تورکیه‌نین اوشاق جمعیتی نیسبتینین یوزده ۲۶،۵ ایله آوروپا بیرلیگی عضو اؤلکه‌لرین‌دن داها یوکسک اولدوغو گؤرولدو.
