تۆرکیه ۲ آیدا تخمیناً ۴ میلیون خاریجی قوناق آغیرلادی
ایران ایله گورجوستان دا سیراسییلا ان چوخ توریست گؤندره‌ن اؤلکه‌لر آراسینا گیردی
تۆرکیه بو ایلین ایلک ۲ آییندا تخمیناً ۴ میلیون خاریجی قوناغی آغیرلادی.
کۆلتور و توریزم باخانلیغی، ۲۰۲۳-جو ایلین ایلک ۲ آیینا دایر توریزم بیلگیلرینی آچیقلادی.
بونا گؤره، سؤزو گئدن دؤنمده تۆرکیه ۳ میلیون ۸۷۶ مین ۳۸۱ خاریجی توریستی آغیرلارکن، ایکی آیلیق دؤنمده توریست آرتیش نیسبتی بیر اؤنجه‌کی ایله گؤره یۆزده ۳۷،۳۱ اولدو.
روسیا، یۆزده ۱۰۵،۹۹ آرتیشلا ژانویه و فوریه آیلاریندا تۆرکیه‌یه ان چوخ قوناق گؤندره‌ن اؤلکه اولدو.
بولقاریستان یۆزده ۳۳،۱۹ آرتیش نیسبتی ایله ایکینجی، آلمانیا یۆزده ۲۴،۶ آرتیش ایله اوچونجو سیرادا یئر آلدی. ایران ایله گورجوستان دا سیراسییلا ان چوخ توریست گؤندره‌ن اؤلکه‌لر آراسینا گیردی.
ایلک ایکی آیدا روسیادان ۵۰۷ مین ۵۱۳، بولقاریستان‌دان ۳۱۸ مین ۱۱، آلمانیادان ایسه ۲۸۸ مین ۱۲۴ نفر آغیرلاندی.
فوریه آییندا، گئچه‌ن ایلین عینی آیینا گؤره یۆزده ۲۱،۳۵ آرتیشلا ۱ میلیون ۸۷۰ مین ۴۱۴ خاریجی قوناق تۆرکیه‌یه گلدی.
فوریه آییندا روسیادان ۲۲۷ مین ۹۶۵، بولقاریستان‌دان ۱۵۰ مین ۸۷۳، آلمانیادان ایسه ۱۴۸ مین ۱۶۹ نفر تۆرکیه‌یه گلدی.
روسیا، فوریه آییندا تۆرکیه‌یه ان چوخ قوناق گؤندره‌ن اؤلکه‌لر سیرالاماسیندا یۆزده ۱۰۳ آرتیشلا بیرینجی، بولقاریستان یۆزده ۱۷،۱۴ آرتیشلا ایکینجی، آلمانیا دا یۆزده ۱۵،۱۶ آرتیشلا اوچونجو سیرادا یئر آلدی.
آلمانیانی ایران و گورجوستان ایزله‌دی.
ایلگیلی‌لی خبرلر
مروه دیزدار ان یاخشی قادین اویونچو اؤدولونو آلدی
سینما دونیاسینین ان اؤنملی فعالیتلرین‌دن ۷۶.جی کن فیلم فستیوالین‌دا اؤدول قازانانلار آچیقلاندی
