ایل آخیر چرشنبه قوتلامالاریندا ۲۶ نفر حیاتینی ایتیردی
اؤلوملو قضالارین چوخو تهران، تبریز، همدان، اورمیه، قزوین و فارس ایالتلرین‌ده یاشاندی، یارالانما حادثه‌لرین‌ده بو ایل، گئچه‌ن ایله گؤره یوزده ۲۲ آرتیش اولدو
ایران‌دا هیجری شمسی تقویمه گؤره ایلین سون چرشنبه گئجه‌سی ائدیله‌ن "ایل آخیر چرشنبه" قوتلامالاریندا، اؤلکه‌ده ۲۶ نفر حیاتینی ایتیردی، ۴ مین ۳۶۸ نفر یارالاندی.
ایران رسمی خبر آژانسی ایرنایا گؤره، ایران اورژانس مرکزی باشقانی جعفر میعادفر، "سون چرشنبه" قوتلامالاریندا میدانا گلن حادثه‌لره باغلی بیلگی وئردی.
میعادفر، "یاشانان قضالاردا ۲۶ نفر حیاتینی ایتیردی. ۴ مین ۳۶۸ نفر یارالاندی" دئدی.
اؤلوملو قضالارین چوخونون تهران، تبریز، همدان، اورمیه، قزوین و فارس ایالتلرین‌ده یاشاندیغینی دیله گتیره‌ن میعادفر، یارالانما حادثه‌لرین‌ده بو ایل، گئچه‌ن ایله گؤره یوزده ۲۲ آرتیش یاشاندیغینی قید ائتدی.
ایران‌دا یئنی ایل بایرامی اؤنجه‌سی ایلین سون چرشنبه گئجه‌سی ائدیله‌ن قوتلامالاردا اؤزللیکله اوشاقلار و گنجلر؛ یاندیریلان تونقاللارین اوزرین‌دن آتلاییر و اگله‌نیرلر. بو قوتلامالار و اؤنجه‌سین‌ده‌کی حاضرلیقلاردا یاشانان قضالار، هر ایل اؤلکه‌ده اونلارجا اینسانین اؤلومونه، یوزلرجه‌سینین یارالانماسینا سبب اولور.
هیجری شمسی تقویمین ایستیفاده ائدیلدیگی ایران‌دا یئنی ایل بایرامی ۲۱ مارس‌دا باشلاییر.
