مشهور صنعتچیلردن زلزله‌دن ضرر گؤرنلره دستک
پیانیست و بسته‌کار فاضیل سایین دا آرالاریندا اولدوغو چوخ ساییدا صنعتچی تورکیه و سوریه‌ده‌کی دئپرمدن ضرر گؤرنلر اوچون کونسرت تشکیل ائتدی
فرانسانین باشکندی پاریس‌ده، پیانیست و بسته‌کار فاضیل سایین دا آرالاریندا اولدوغو چوخ ساییدا صنعتچی تورکیه و سوریه‌ده‌کی دئپرمدن ضرر گؤرنلر اوچون کونسرت تشکیل ائتدی.
فاندیشن د فرانس امکداشلیغی ایله پاریسده‌کی المپیا کونسرت سالونون‌دا "زلزله قارشیسین‌دا تک اورک" آدییلا تشکیل ائدیله‌ن گئجه‌ده الده ائدیله‌ن گلیرلر ۶ فوریه‌ده میدانا گلن و "عصرین فلاکتی" اولاراق آدلاندیریلان قهرمان ماراش مرکزلی تورکیه و سوریه‌ده‌کی زلز‌له‌لرده ضرر گؤره‌نلر اوچون ایستیفاده ائدیله‌جک.
فرانس ۲ تلویزیون کانالیندا جانلی یایینلانان کونسرت‌ده، پیانیست سایین یانین‌دا دونیادا مشهور صنعتچیلردن گیمز، زاز و پاتریک برول کیمی چوخ ساییدا صنعتچی صحنه‌یه چیخدی و تورکیه و سوریه‌ده‌کی زلز‌له‌لرده ضرر گؤره‌نلره باغیش چاغریسی ائتدی.
کونسرته، فرانسا مدنیت باخانی ریما عبدالملک ده قاتیلدی.
فعالیت‌ده، بؤلگه‌ده‌کی مصاحبه‌لرین ویدئوسو یایینلاندی.
فاضیل سای، کونسرت‌ده ائتدیگی دانیشمادا زلز‌له‌لردن تأثیرلنه‌نلردن بحث ائد‌رک، کونسئرت فعالیتینه قاتیلان صنعتچیلره تشکر ائتدی. سای، "بیر تورک وطنداشی اولاراق، فرانسا خالقینین دایانیشماسینی جس ائدیره‌م" دئدی.
فرانسالی صنعتچی زاز ژوئن آییندا دا تورکیه‌ده تشکیل ائدجگی کونسرتین گلیرلرینی باغیشلایاجاغینی سؤیله‌دی.
چوخ اینسانین قاتیلدیغی گئجه‌ده توپلانان باغیش رقمی ان سون ۲،۳ میلیون یورو اولاراق آچیقلاندی.
باغیش کمپینینه قاتیلماق ایسته‌یه‌نلر بونو فاندیشن دو فرانسین اینترنت سایتی و مکتوب یولویلا ائتمه‌یه داوام ائده‌بیله‌جک.
