شکیرانین ماهنیسی ۱۴ گینس دونیا رکوردو قیردی
جرارد پیکه ایله اولایلی آیریلیغی ایله گوندمدن دوشمه‌یه‌ن موغنی شکیرا، سون ماهنیسییلا گینس دونیا رکوردلار کیتابینا گیردی
کلمبیالی موغنی شکیرا، اؤزونو آلدادان ۱۲ ایللیک سئوگیلیسی فوتبالچی جرارد پیکه‌یه عطف ائتدیگی 'موزیک سشینس وایل. ۵۳' آدلی ماهنیسییلا ۱۴ گینس دونیا رکوردو قیردی.
جرارد پیکه ایله اولایلی آیریلیغی ایله گوندمدن دوشمه‌یه‌ن موغنی شکیرا، سون ماهنیسییلا گینس دونیا رکوردلار کیتابینا گیردی.
ژانویه آیین‌دا، دی‌جی بیزارپ ایله ایمضا آتدیغی 'موزیک سشینس وایل. ۵۳' آدلی ماهنی‌سینی یایینلایان ۴۶ یاشین‌داکی کلمبیالی موغنی، اسپاتیفای‌دا بیر گون‌ده ان چوخ دینله‌ن لاتین ماهنی، بیر گون ایچین‌ده یوتوب‌دا ان چوخ ایزله‌نیله‌ن اسپانیولجا موسیقی کلیپی و داها بیر چوخ رکوردا ایمضا آتاراق ۱۴ گوینس رکوردو قیرماغی باجاردی.
فوتبالچی پیکه ایله بیرلیکده‌لیگینی اولایلی بیر شکیل‌ده سونلاندیران مشهور موغنی‌نین، 'موزیک سشینس وایل. ۵۳' آدلی ماهنیسیندا، پیکه‌یه بیر چوخ گؤندرمه وار.
ماهنی سؤزلرین‌ده‌کی "سنه گئری دؤنمه‌یه‌جه‌یه‌م، منیم اوچون آغلاما یا دا منه یالوارما/ سنی تنقید ائتمه‌لرینین منیم خطام اولمادیغینی آنلادیم/ یالنیز موسیقی ایله مشغولام، بو سنی ناراحات ائدیرسه تأسف ائدیره‌م" ایفاده‌لرینین پیکه‌یه خطاب ائتدیگی دوشونولور.
