وان‌دا اورارتو مزاری تاپیلدی
"بیر قایا ایچینه آچیلان اوتاق مزار، اورارتولارین کلاسیک اؤزللیکلرینی عکس ائتدیریر"
وانین ارجیش ائلچه‌سینده، اۆزرینده تانریلارا هدیه‌لرین تقدیم ائدیلمه‌سی اوچون قایادیا اویولموش لیباسیونون (مایع سونو ساحه‌سی) اولدوغو ۳ اوتاقلی اورارتو مزاری کشف ائدیلدی.
وان موزه مودورو فاتح عرب ایله وان یوۆزونجو ایل اونیوئرسیته‌سی ادبیات فاکولته‌سی آرکئولوژی بؤلوم باشقانی پروفسور دکتر رفعت چاووش‌اوغلونون، بؤلگه‌ده‌کی تاریخی قورولوشلارین معین ائدیلمه‌سی اوچون چالیشمالاری چرچیوه‌سینده داها اؤنجه وان گؤلونون چکیلمه‌سی نتیجه‌سین‌ده اورارتولارا عاید تاپینما/عبادت ساحه‌سینین اورتایا چیخدیغی بؤلگهه‌یه یاخین ساحه‌ده ۳ اوتاقلی اورارتو مزاری اولدوغو معین ائدیلدی.
اطرافیندا سۆموک و سرامیک پارچالاری تاپیلان ساحه‌ده چاووش‌اوغلو و عرب آراشدیرمالار ائتدی.
بؤلگه‌ده اورارتو دؤورونه عاید اؤنملی قورولوشلارین معین ائدیلدیگینی بیل‌دیره‌ن چاووش‌اوغلو بو دگرلندیرمه‌لرینی دیله گتیردی:
"اورارتو دؤورونه عاید کلاسیک دروموس (مزار گیریشلرینه وئریله‌ن آد) ایله گیریلن، آنا اوتاغین ساغین‌دا و سولون‌دا ایکی کیچیک اوتاغی اولان مزاردا، اؤلو هدیه‌لرینین قویولدوغو ۳ تاغچا یئر آلیر. اهک داشیندان بیر قایا ایچینه آچیلان اوتاق مزار، اورارتولارین کلاسیک اؤزللیکلرینی عکس ائتدیریر. اوزون مدت ایستیفاده اولوندوغونو سؤیله‌مک مومکون‌دور".
مزارین اورارتو معمارلیغی باخیمین‌دان اؤنملی بیر قالیق اولدوغونو وورغولایان پروفسور چاووش‌اوغلو، "ایلک دفعه گؤردویوموز بیر اوتاق مزاری. بیزیم اوچون اؤنملی اولان مزارین ۳ اوتاقدان اولوشماسی، گیریشینین اۆزرینده مستطیل شکلینده ایکی آچیقلیغین و بورادا دا مایع لیباسیونون حاضیرلانمیش اولماسی" دئدی.
ایلگیلی‌لی خبرلر
تۆرکیه‌یه ان چوخ توریست آلمانیادان گلدی
تۆرکیه‌یه ۲۰۲۲-جی ایلده قوناقلار ان چوخ آلمانیا، اینگیلتره، بولقاریستان و ایران‌دان گلدی
