ت‌رت باش مودورو سوباچی‌دان آوروپالی یایینچیلارا تروریزمه قارشی دورما چاغریسی
"تورکیه‌نین دؤولت یایینچی‌سی اولاراق، تروریزمین قایناغی و هدفی هارا اولورسا اولسون بیرلیک‌ده بونا اعتراض ائتمه نقطهسینده ساغلام بیر امکداشلیق چاغرسی ائدیریک"
آوروپا یایین بیرلیگی، ت‌رت‌نین ائو صاحیبلیگینده ۴۱ اؤلکه‌دن تخمیناً ۲۰۰ اوست سویه یایینچینین ایشتیراکییلا تشکیل ائدیله‌ن مئدیا ذیروه‌سین‌ده بیر آرایا گلدی. ذیروه‌ده دانیشان ت‌رت باش مودورو سوباچی، "قلوبال تروریزمله ان گوجلو موباریزه‌نی وئره‌ن تورکیه‌نین دؤولت یایینچی‌سی اولاراق، تروریزمین قایناغی و هدفی هارا اولورسا اولسون بیرلیک‌ده بونا اعتراض ائتمه نقطهسینده ساغلام بیر امکداشلیق چاغرسی ائدیریک" دئدی.
ت‌رت‌نین ده عضوو اولدوغو آوروپا یایین بیرلیگی نماینده‌لری، سالقین سببی ایله ایکی ایل سونرا ایلک دفعه اوز اوزه تشکیل ائدیله‌ن تدبیرده بیر آرایا گلدی. ت‌رتین ائو صاحیبلیگینده ایستانبول‌دا تشکیل ائدیله‌ن آوروپا یایین بیرلیگی مئدیا ذیروه‌سینه ت‌رت باش مودورو محمد زاهید سوباچی و آوروپا یایین بیرلیگی باش مودورو نوئل کورانین یانین‌دا ۴۱ اؤلکه‌دن تخمیناً ۲۰۰ اوست سویه یایینچی قاتیلدی. ایکی گون بویونجا داوام ائد‌جک اولان تدبیرده، قامو یایینچیلیغینین گله‌جگی، موباریزه ائدیلمه‌سی لازیم اولان چتین‌لیکلر، یئنی دوروملار و گنجلره اولاشیلابیلیرلیک کیمی بیر چوخ مؤوضوع موذاکیره ائدیله‌جک.
"جمهورباشقانیمیزین ‘دونیا بئشدن بؤیوکدور' شعاری، هامیمیزین اورتاق و گوونلی گله‌جگینه ائدیله‌جک تک سرمایه‌نین خلاصه‌سیدیر"
ذیروه‌نین آچیلیش دانیشماسینی گرچکلشدیرن ت‌رت باش مودورو محمد زاهید سوباچی، اوزون بیر آرادان سونرا اوزاوزه تشکیل ائدیلن ۲۰۲۲ آوروپا یایین بیرلیگی مئدیا ذیروه‌سینه ائو صاحب‌لیگی ائتمه‌نین هیجانی ایچین‌ده اولدوقلارینی ایفاده ائتدی. گله‌نکسل دگرلریمیز اولان طرفسیزلیک، حقانیت و دوغرولوق گله‌جگین دیجیتال مئدیاسینین دا دییشمز استاندارتلاری اولماسی لازیم اولدوغونو وورغولایان سوباچی، "بو مقصدله، آوروپا یایین بیرلیگی عضولری اولاراق هر زامانکی دایانیشما روحو ایچین‌ده، داها دینج بیر گله‌جک و عینی زامان‌دا یایینچیلیق مدنیتینین زنگینلشمه‌سی اوچون اورتاق و یارادیجی گیریشیملر ایله امکداشلیغیمیزی گوجلندیریب گئنیشلتمه‌یه داوام ائدجگیمیزدن هئچ شبهه‌م یوخ. اونوتمایاق کی بیرلیک‌ده داها گوجلویوک" دئدی.
حاضیردا ان اؤنملی قلوبال مئدیا آکتورلارین‌دان بیری حالینا گلن ت‌رت‌نین ۱۸ تلویزیون، ۱۷ رادیو کانالینین یانین‌دا ۹ دیجیتال پلتفورمو، دیجیتال اویقولامالاری و اولوسال و اولوسلارآراسی سویه‌لرده بیر چوخ فعالیتیله اؤلکه‌میزده یایینچیلیغین لیدئری اولما مؤقعیتینی استقرار‌لی شکیل‌ده قورودوغونو سؤیله‌یه‌ن ت‌رت باش مودورو سوباچی بو شکیل‌ده داوام ائتدی: "آرتیق اینسانلاری و جغرافیالاری آییرد ائتمه‌دن دونیانی بوتون اولاراق گؤرمه‌لی؛ هر بیر اینسانین قیمتلی اولدوغو دوشونجه‌سی ایله، یوخ سایمانین بیر حل یولو اولمادیغینی ایدراک ائتمه‌لیییک. جمهورباشقانیمیز سایین رجب طیب اردوغانین اولوسلارآراسی پلتفورملاردا تئز تئز دیله گتیردیگی ‘دونیا بئشدن بؤیوکدور' شعاری، داها عدالت‌لی بیر قلوبال سیستم اینشاسینین سیمگه‌سی؛ هامیمیزین اورتاق وگوون گله‌جگینه ائدیله‌جک تک سرمایه‌نین خلاصه‌سیدیر. نئجه کی تورکیه بو گون، دونیانین باریش زمینی اولاراق ان حساس اولوسلارآراسی مسئله‌لرده لیدئرلرین بیر آرایا گلدیگی، قلوبال کۆتله‌نین گؤزل خبرلر گؤزلدیگی، مد‌نی گؤروشمه‌لرین و چؤزوم تکلیفلرینین چیخاریلدیغی نادیر اؤلکه‌لر آراسین‌دا یئر آلیر. بو باغلامدا، آوروپا یایین بیرلیگینین ده اؤنم وئردیگی بیر مؤوضوع اولاراق گنجلر و قامو یایینچیلیغی ایلیشکیسینی اؤنجه‌له‌ین، اونلارین قلوبال مسئله‌لره باخیشی و چؤزوم اؤنریلرینی اورتایا قویان ایشلر ایجرا ائدیریک".
ت‌رت‌نین اولوسلارآراسی خبر پلتفورملارین‌دان دا بحث ائد‌ن سوباچی، "ت‌رت اولاراق بو گون، تلویزیون و رادیو کاناللاریمیز، دیجیتال پلتفورملاریمیز ایله دونیانین ۷ قاره‌سینه ۴۱ دیل و لهجه‌ده یایینلریمیزی چاتدیریریق. ت‌رت وورلدون یانین‌دا، دیجیتال خبر پلتفورملاریمیز ت‌رت آلمانجا، ت‌رت روسجا، ت‌رت عربجه‌یه گئچدییمیز گونلرده ت‌رت فرانسیزجانی دا علاوه ائد‌رک اولوسلارآراسی یایین عائله‌میزین ان یئنی عضوونون قورولوشونو قوتلادیق. بونون یانین‌دا، آفریقا، بالکان و فارسجا دیجیتال خبر پلتفورملارینین آچیلماسی اوچون ده ایشلریمیز داوام ائدیر" دئدی.
"تروریزمین قایناغی و هدفی هارا اولورسا اولسون بیرلیک‌ده بونا اعتراض ائتمه نقطهسینده ساغلام بیر امکداشلیق چاغریسی ائدیریک"
بحرانلاری، پروبلئملری و دییشیملری دیجیتاللاشما سۆره‌جیندن باغیمسیز دۆشونه‌بیلمه‌نین مومکون اولمادیغینی وورغولایان سوباچی، آوروپا یایین بیرلیگی مئدیا ذیروه‌سین‌ده تاریخی چاغری ائتدی. سوباچی، "بیز قامو یایینچیلاری اولاراق بیلگی چیرکلیلیگینین، مقصدلی آلقی عملیاتلارینین و یالان یاییمین/دزنفورماسیونون قارشیسیندا بۆتون گۆجوموزله موباریزه ائد‌جک اؤنملی تشکیلاتلاریق. قامو یایینچیلاری اولاراق مسئولیتیمیز بونونلا دا سینیرلی دئییل.
رادیکاللاشما، گلیر عدالتسیزلیگی، قلوبال تروریزم، سایبری گوونلیک و ائکولوژیک پروبلئملر حاقیندا توپلوملاری بیلینجلندیرمه‌لییک. قلوبال تروریزمله ان گوجلو موباریزه‌نی وئره‌ن تورکیه‌نین قامو یایینچی‌سی اولاراق، تروریزمین قایناغی و هدفی هارا اولورسا اولسون بیرلیک‌ده بونا اعتراض ائتمه نقطهسینده ساغلام بیر امکداشلیق چاغریسی ائدیریک" ایفاده‌لرینی ایشلتدی.
"تورکیه، آمریکادان سونرا سریال صادراتین‌دا ایکینجی سیرادا"
ت‌رت‌نین سریال و اورتاق پروگراملارینین باشاریسی ایله دیجیتال ایشلری حاقیندا دانیشان سوباچی بونلاری قید ائتدی:
"ت‌رت سریاللارینا گؤستریله‌ن کۆره‌سل ایلگییه دقت چکمک ایستیره‌م. تورکیه، آمریکادان سونرا سریال صادراتین‌دا ایکینجی سیرادا یئر آلیر. بو باشاریدا قوروموموزون دونیا سویه‌سین‌ده سریال ساتیشلاری ساحه‌سین‌ده‌کی چالیشمالارا لیدئرلیک ائتمه‌سینین یادسینامماز/انکار ائیلمز بیر پایی وار. سریاللاریمیز، اورتاق اۆره‌تیم فیلملریمیز و چیزگی فیلملریمیز چوخ چوخ طلب گؤرور. اؤنوموزده‌کی آیلاردا اولوسلارآراسی ت‌رت دیجیتال ویدئو پلتفورموموزو حیاتا گئچیرمک اوزره ایشلریمیزی داوام ائتدیریریک. بو دیجیتال پلتفورم و حاضرلاناجاق یئنی ایچه‌ریکلر عینی زامان‌دا آوروپا یایین بیرلیگی عضولری ایله گرچکلشدیره‌بیله‌جک اورتاق یاپیملارین یانین‌دا آوروپا یایین بیرلیگی پره-بای نت‌وورکونون (اؤن-آلیش سیستمی) سوندوغو ایمکانلار و امکداشلیق فورصتلریندن داها چوخ فایدالانابیلمه‌میزه ایمکان تانییاجاق. ت‌رت، سالقین دؤورونده آوروپا یایین بیرلیگینین "کانتنت آپییل" آدی آلتیندا باشلاتدیغی و عضولرین اؤدنیشسیز پروگرام تامین ائده‌بیلدیکلری پروگرام حوووضو اویقولاماسینا بلگه‌سل، دراما کیمی فرق‌لی نؤوعلرده پروگرام ایچریکلری ایله فعال اولاراق قاتقی وئردی. بونونلا بیرلیک‌ده، ت‌رت سینما ساحه‌سین‌ده ده اولوسلارآراسی ایش‌بیرلیکلرینی هر گئچه‌ن گون داها دا تأثیرلی حالا گتیره‌رک آدیندان سؤز ائتدیریر. سون اوچ ایلده ت‌رت اورتاق یاپیمی سینما فیلملری، باش‌دا کن، برلین، کارلووی واری، ونیز، سن سبستین، ورشو و لوکارنو فیلم فستیواللاری اولماق اوزره اوچ یۆزون اوزرین‌ده اولوسال و اولوسلارآراسی فستیوال‌دا تخمیناً ۲۷۵ اؤدول آلدی. ت‌رت آیریجا، اولوسلارآراسی فیلم فستیواللارین‌دا وئریله‌ن ت‌رت اؤزل اؤدوللری، قورومسال ایش اورتاقلیقلاری و فعالیتلر ایله ده بو ساحه‌ده‌کی اورتاقلیق و ایش بیرلیکلرینه قاتقی وئریر".
ذیروه‌ده دانیشان آوروپا یایین بیرلیگی باش مودورو نوئل کوران ایسه ت‌رت‌یه بو مؤحتشم تشکیلات و ایستی ائو صاحب‌لیگی اوچون تشکور ائد‌رک، "بیر یئرده اولماق بیزیم اوچون چوخ قیمتلی. بو وسیله ایله ت‌رت ایله امکداشلیغیمیزین دا آرتماسینی اومود ائدیریک،" دئدی.
آوروپادا قامو یایینچیلارینی بیر آرایا گتیرمه مقصدی ایله قورولان آوروپا یایین بیرلیگی، دونیاداکی قامو یایینچیلاری بیرلیکلرینین ان اؤنملیلریندن بیری اولاراق تانیملانیر.
