تورکیه‌یه ۴ آیدا ۹ میلیونا یاخین توریست گلدی

تورکیه‌یه ان چوخ توریست گؤندره‌ن اؤلکه‌لر سیرالاماسیندا، آلمانیا بیرینجی، بولغاریستان ایکینجی، ایران ایسه اوچونجو سیرادا یئر آلدی

1830780
تورکیه‌یه ۴ آیدا ۹ میلیونا یاخین توریست گلدی

بو ایلین ژانویه-آوریل دؤنمینده تورکیه‌یه ۸ میلیون ۸۸۵ مین ۸۷۶ قوناق گلدی.

مدنیت و توریزم باخانلیغیندان وئریله‌ن بیلگیلره گؤره، ۲۰۲۲.جی ایلین ایلک ۴ آییندا اؤلکه‌یه گلن توریستلرین ۷ میلیون ۴۷۷ مین ۴۷سینی خارجیلر اولوشدورورکن، یورددیشیندا یاشایان وطنداشلارین ساییسی ایسه ۱ میلیون ۴۰۸ مین ۸۲۹ نفر اولدو.

سؤزوگئدن دؤورده قوناق گلن خاریجی توریستلرین ساییسی، اؤتن ایلین عینی دؤورو ایله مقایسده یوزده ۱۷۲،۵۱ آرتدی.

تورکیه‌یه ان چوخ توریست گؤندره‌ن اؤلکه‌لر سیرالاماسیندا، ایلین ۴ آییندا، اؤتن ایلین عینی دؤورونه گؤره آلمانیا یوزده ۳۳۹،۸۱ آرتیشلا بیرینجی، بولغاریستان یوزده ۳۲۵،۵۵ آرتیشلا ایکینجی، ایران ایسه یوزده ۲۳۶،۷۷ آرتیشلا اوچونجو سیرادا یئر آلدی.

ایرانی سیرایلا روسیا و اینگیلتره ایزله‌دی.

تورکییه‌یه آوریل آییندا گلن خاریجی توریست ساییسی ایسه اؤنجه‌کی ایلین عینی آیینا گؤره یوزده ۲۲۵،۵۹ آرتاراق ۲ میلیون ۵۷۴ مین ۴۲۳ اولدو.

آوریل آیین‌دا ان چوخ توریست گؤندره‌ن اؤلکه‌لر سیرالاماسیندا آلمانیا اؤتن ایلین عینی آیینا گؤره یوزده ۶۳۰،۳۴ آرتیشلا بیرینجی، بولغاریستان یوزده ۴۴۲،۰۴ آرتیشلا ایکینجی، اینگیلتره ایسه یوزده ۱۴۴۶،۸۳ آرتیشلا اوچونجو سیرادا یئر آلدی.

اینگیلتره‌نی ایران و روسیا ایزله‌دی.



ایلگیلی‌لی خبرلر