"ت.ر.ت فرانسیزجا" دیجیتال خبر کانالی فعالیته باشلاییب
فخرالدین آلتون تورکیه رادیو و تلویزیون قورومونون (ت.ر.ت) فرانسیزجا دیجیتال کانالینین فعالیته باشلاماسی ایله باغلی کئچیریلن مراسیمه قاتیلیب.
"بو گون اولوسلار آراسی آرئنادا آز سایداکی مئدیا شیرکتینین حکمرانلیغی و هژمونیسی ایله ایله اوز-اوزییک. ت.ر.ت-نین تشببوسو بو اولوسلار آراسی هژمونیایا اعتراضدیر، چیخیشدیر، آلترناتیو یاراتماق جهدیدیر".
بونو جمهور باشقانلیغی ایله تیشیم ایدارهسینین رهبری فخرالدین آلتون تورکیه رادیو و تلویزیون قورومونون (ت.ر.ت فرانسیزجا) دیجیتال کانالینین فعالیته باشلاماسی ایله باغلی کئچیریلن مراسیمده دئییب.
آلتون پایتاخت آنکارادا تشکیل ائدیلن "ت.ر.ت فرانسیزجا دیجیتال کانال تانیتیم پروقرامی"ندا ائتدیگی چیخیشیندا بو مهم مقاما شاهید اولماقدان خوشبخت اولدوغونو بیلدیریب.
ت.ر.ت-نین چوخ شاخهلی رادیو و تلویزیا یاییملاری، دیجیتال پلاتفورمالاری، برند اوره تیم لری و اولوسلار آراسی تدبیرلری ایله بو گون 7 قاره ده تأثیری اولان بیر مارکا اولدوغونو بیلدیرن آلتون 2010-جو ایلده قورولان "ت.ر.ت عربجه" و 2015-جی ایلده قورولان TRT World-ون تورکیه-نین بولگه سل گوجو و قلوبال آکتیور اولما یاریشیندا هم بؤلگهسینه، هم ده قلوبال آرئنایا چیخیش اوچون چوخ اهمیتلی بیر فورصت تقدیم ائتدیگینی ایفاده ائدیب. دیجیتال پلاتفورمالارین، "ت.ر.ت روسچا" و "ت.ر.ت آلمانجا"نین داها سونرا فعالیته باشلادیغینی خاطیرلادان آلتون، میین 11-ده یاییما باشلایان "ت.ر.ت فرانسیزجا"نین اوغولو اولماسینی دیلهییب.
ت.ر.ت-نین 41 دیل و لهجهده انترنت واسیطهسیله یاییمینین اولدوغونو قئید ائدن آلتون ت.ر.ت-نین بو اولوسلار آراسی یاییم خطی داخیلینده ائشیدیلمهینلرین سسینی چیخارماغا، گؤستریلمهینلری گؤسترمهیه، گیزلهدیلن حقیقتلری اورتایا چیخارماغا چالیشدیغینی بیلدیریب.
ت.ر.ت-نین باش مودیری محمد زاهید سوباجی ایسه دئییب:
"ت.ر.ت فرانسیزجا" دیجیتال خبر کانالیمیز فرانسیزدیللی مئدیا دونیاسیندا بؤیوک بیر بوشلوغو دولدوراجاق. یعنی ایچه ریکله پارامتر زنگینلیگی، یئنی پرسپکتیولر، موختلیفلیک کیمی بیر چوخ مؤوضوع دا اولوسلار آراسی ژورنالیستیک آنلاییشینا یئنی نفس گتیرهجک".
سوباجی آیریجا، "ایسلام و خاریجی قارشیدلیغینا قارشی فرقیندلیگین آرتماسینا قاتقی تامین ائدجییک" دئدی.
تانیتیمدا ترت فرانسیزجانین میسیونو و ویزیونونو قاتیلیمچیلارلا پایلاشان سوباجی،
"ترت فرانسیزجانین ان تمل میسیونلاریندان بیری، فرانسا باشدا اولماق اوزره فرانسیزجا دانیشیلان اؤلکهلرین سیاسی، اقتصادی، اجتماعی و مدنی مؤوضوعلارینی و آفریقا قارهسیندهکی گوندملرینی، ترتنین اینسانی مرکزه آلان یایین آنلاییشییلا کوتلهلرین دقتینه سونماقدیر. دونیادا ۳۰۰ میلیونون اوزرینده اینسانین دانیشدیغی بو دیلده اؤزگون یایین یایینلاماق، چئشیدلیلیک و درینلیک ایلکهلری چرچیوهسینده اینسانلارا یئنی دوشونجهلر و قاپیلار آرالانماسی معناسینی وئریر. حادثهلرین یالنیز بو گونونه دئییل، گئچمیشینه و اولاسی گلهجگینه ایشاره ائتمک فرقیندهلیک و بیلینج اولوشماسینا اؤنملی بیر قاتقی تامین ائدیر" ایفادهلرینی ایشلتدی.
ترت فرانسیزجانین بوتون دونیادا سرعتله آرتان اسلام و خاریجی قارشیدلیغی ایله ده موباریزه ائتمهیی هدفلهدیگینی ایفاده ائدن سوباجی، بونونلا بیرلیکده، ترت فرانسیزجانین اولوسلارآراسی یایین شبکهمیزه قاتیلماسییلا، اؤزللیکله آوروپا باشدا اولماق اوزره هاراداسا بوتون دونیادا یوکسهلهن ایسلام و خاریجی قارشیدلیغینا قارشی فرقیندهلیگین آرتماسینا قاتقی وئرهجییک. تورکیهنین قلوبال اینسانی سیاستلرینین و اویقولامالارینین باشا دوشولمهسینده اؤنملی بیر رول اوستلنهجک. مدنیت، صنعت، ایدمان و تاریخ ساحهسیندهکی زنگینلیگیمیزی داها چوخ اینسانا چاتدیراجاغیق. بونو، وئریملیلیگی تشویق ائتمک، قارشیلیقلی آنلاییشا زمین حاضرلاماق و مدنی چئشیدلیلیگه آراجی اولماق اوچون ائدجییک" دئدی.
ایلگیلیلی خبرلر
تورکیهیه ان چوخ قوناق قونشولاریندان گلدی
تورکیهیه ژانویه و فوریه آییندا ان چوخ توریست گؤندرهن اؤلکه، ۴۳۷ مین ۹۰۵ نفر ایله ایران اولدو