پاموک‌کاله‌نی، ۴ آیدا ۲۴۰ مین قوناق گزدی

تورکیه‌نین اؤنملی توریزم مرکزلری آراسیندا یئر آلان، یونسکونون دونیا میراثی لیستینده‌کی پاموک‌کاله، قوناقلارینی آغیرلاماغا داوام ائدیر

1822399
پاموک‌کاله‌نی، ۴ آیدا ۲۴۰ مین قوناق گزدی

دنیزلی‌نین مشهور توریزم مرکزی پاموک‌کاله‌نی، ایلین ایلک ۴ آییندا ۲۴۰ مین یئرلی و خاریجی قوناق گزدی.

تورکیه‌نین اؤنملی توریزم مرکزلری آراسیندا یئر آلان، بیرلشمیش میللتلر تحصیل، بیلیم و مدنیت تشکیلاتینین (یونسکو) دونیا میراثی لیستینده‌کی پاموک‌کاله، قوناقلارینی آغیرلاماغا داوام ائدیر.

مد‌نی و تاریخی زنگینلیکلریله قوناقلارینی اؤزونه چکه‌ن پاموک‌کاله‌یه دونیانین دؤرد بیر طرفیندن گلنلر بوراداکی گؤزللیکلری گؤرمه شانسی الده ائدیر.

قوناقلار آغ تراورتنلر اوزریندن و تاریخی قالیقلارین آراسیندان یئریه‌رک گئچیب، "کلئوپاترا حوووضو" اولاراق بیلینن و دؤرد مؤوسوم ایستیلیگی ۳۶ درجه اولان آنتیک حوووضون دا دادینی چیخاریر.

بؤلگه‌ده‌کی ایستی هاوا بالونو و یاماج چتری ده بنزرسیز منظره‌نی گؤیدن ایزله‌مه فورصتی وئریر.

۲۰۲۰-جی ایلده پاموک‌کاله‌نی ۱ ژانویه ایله ۱۸ مارس ۲۰۲۰ آراسیندا ۱۵۱ مین ۲۶۸ نفر گزدی.

یئنی نسیل کوروناویروس (کووید-۱۹) سالقینی سببی ایله بؤلگه‌یه گیریشلر ۱۹ مارسدان ۱ ژوئنه قدر باغلانیلدی.

گئچه‌ن ایل ۱ ژانویه-۳۰ آوریل دؤورونده پاموک‌کاله‌نی ۱۰۰ مین ۱۴۵، بو ایلین عینی دؤورونده ایسه ۲۴۰ مین ۸۸۳ توریست گزدی.



ایلگیلی‌لی خبرلر