'تاریخین صیفیر نقطه‌سی'نه توریست آخینی

گؤبکلی تپه، توریزمه آچیلدیغی ۲۰۱۸دن بو یانا مینلرجه یئرلی و خاریجی توریسته ائو صاحبلیگی ائدیر

1762750
'تاریخین صیفیر نقطه‌سی'نه توریست آخینی

شانلی اورفادا ۱۲ مین ایللیک گئچمیشی ایله "تاریخین صیفیر نقطه‌سی" اولاراق تانیملانان و بیرلشمیش میللتلر تحصیل، بیلیم و مدنیت تشکیلاتی (یونسکو) دونیا میراثی لیستینده یئر آلان گؤبکلی تپه، ۲۰۲۱ ایلینده ۵۶۷ مین ۴۵۳ قوناق آغیرلادی.

گؤبکلی تپه، توریزمه آچیلدیغی ۲۰۱۸دن بو یانا مینلرجه یئرلی و خاریجی توریسته ائو صاحبلیگی ائدیر.

اوست قوروما دامی تیکیمی ایشلری سببی ایله ۲۰۱۸.جی ایلین بیر بؤلومونده باغلی قالان تاریخی یئری او دؤنم تخمیناً ۷۰ مین توریست گزدی.

ایشلرین تاماملانماسینین آردین‌دان جمهورباشقانی رجب طیب اردوغان طرفین‌دن ۲۰۱۹ون "گؤبکلی تپه ایلی" اعلان ائدیلمه‌سی ایله توریست آخینی یاشاندی.

گؤبکلی تپه، ۲۰۱۹دا ۴۱۲ مین ۳۷۸ توریست ساییسینا چاتدی.

زیارت‌چی سایین‌دا ۲۰۲۰ده آرتیم گؤزله‌نیله‌ن گؤبکلی تپه، یئنی تیپ کوروناویروس (کووید-۱۹) سالقینی سببیله ۳ آی باغلی قالدی.

سالقینین دا تاثیری ایله ۲۰۲۰ده توریست ساییسی ۱۹۷ مین ۹۱۲ اولاراق ثیت ائدیلدی.

گؤبکلی تپه، ۲۰۲۱ین ایلک ۵ آیین‌دا دا کووید-۱۹ تدبیرلری چرچیوه‌سین‌ده قاپاتیلدی.

بونا باخمایاراق ۷ آیدا ۵۶۷ مین ۴۵۳ نفره ائو صاحب‌لیگی ائد‌ن تاریخی مکان، آچیلدیغی گوندن بو یانا ان یوکسک قوناق ساییسینا چاتمیش اولدو.
 



ایلگیلی‌لی خبرلر