"Hello Türkiye" آدلی کامپانیایا ایستارت وئریلیب

ویدئودا تورکیه-‌نین موختلیف یئرلرینده یاشایان خاریجی توریست‌لرین اؤز تلفظ لریله "Hello Türkiye"  دئیه‌رک مئساژلارینی گؤندرن گؤرونتولر یئر آلیب.

1762705
"Hello Türkiye" آدلی کامپانیایا ایستارت وئریلیب

جمهور باشقانلیغی ایله تیشیم ایداره‌سی اؤلکه‌نین میللی و اولوسلار آراسی آدی‌نین "تورکیه" کیمی ایستیفاده اولونماسی‌نین اولوسلار آراسی مئدیادا داها تاثیرلی شکیلده ایشیقلاندیریلماسی مقصدیله "Hello Türkiye"  آدلی کامپانیایا ایستارت وئریب.

بو کونتکستده حاضیرلانان تانیتیم ویدئوسو باشقانلیغین سوسیال مئدیا حساب‌لاریندا پایلاشیلیب.

ویدئودا تورکیه-‌نین موختلیف یئرلرینده یاشایان خاریجی توریست‌لرین اؤز تلفظ لریله "Hello Türkiye"  دئیه‌رک مئساژلارینی گؤندرن گؤرونتولر یئر آلیب.

ویدئو قلوبال " influencerların" (سوسیال شبکه‌ده تأثیرلی اولان‌لار) "#helloTürkiye"  هشتقی ایله سوسیال مئدیا پای‌لاشیم‌لاری ایله بیر چوخ اؤلکه‌ده قارشی‌لیق‌لی علاقه یارا‌دیر.

کامپانیا ایله خاریجی لرین سوسیال مئدیا اوزریندن تورکیه آدی‌نین موختلیف دیل‌لرده ایشلتمه‌لری‌نین قارشی‌سینی آلا‌راق "تورکیه" ایفاده‌سی‌نین ایشلدیلمه‌سی هدف‌لنیر.

جمهور باشقانلیغی ایله تیشیم ایداره‌سی‌نین رهبری فخرالدین آلتون مؤوضوع ایله باغلی وئردیگی آچیقلامادا تورکیه-‌نین آدی‌نین اولوسلار آراسی مئدیادا یالنیز "تورکیه" کیمی ایستیفاده ائدیلمه‌سینه دایر دسامبر آییندا جمهور باشقانی رجب طیب اردوغانین ایمضاسی ایله بخشنامه یاییلدیغینی خاطیرلادیب.

بو قرارین اولوسلار آراسی آرئنادا سؤز بیرلیگی‌نین یارادیلماسی و تورک مارکاسی‌نین گوجلنمه‌سی هدفینه دوغرو آتیلان مهم آددیم اولدوغونو بیلدیرن آلتون تورکیه-‌نین هر ساحه‌ده اولدوغو کیمی دیل و ایله تیشیمده ده اؤزونو و کیم‌لیگینی گوجلندیردیگینی وورغولاییب.

تورک مارکاسینی گوجلن‌دیرمک اوچون تورک مارکا اوفیسی قورا‌جاق‌لارینی بیلدیرن آلتون بو اوفیسین تورکیه-‌نین قلوبال مارکا کیم‌لیگی ساحه‌سینده چالیشاجاغینی، اؤلکه‌نین ایماژینین و مارکا دگری‌نین گوجلنمه‌سینه تحفه وئرجگینی قئید ائدیب.

آلتون توپلومون بوتون طبقه‌لری‌نین بو مؤوضوع دا حساسیت و دستک گؤسترمه‌سی‌نین چوخ واجیب اولدوغونو دا وورغولاییب.



ایلگیلی‌لی خبرلر