کاپادوکیایا توریست آخینی

گؤزل آتلار اؤلکه‌سینده، موزه و تاریخی یئرلری بو ایلین عینی دؤورون‌ده ایسه ۱ میلیون ۹۱۷ مین ۶۵۷ توریست گزدی

1729926
کاپادوکیایا توریست آخینی

تورکیه‌نین اؤنملی توریزم مرکزلرین‌دن گؤزل آتلار اؤلکه‌سی کاپادوکیانی ایلین ۱۰ آیین‌دا ۱ میلیون ۹۱۷ مین ۶۵۷ یئرلی و خاریجی توریست گزدی.

پری‌پاجالاری، قایادان اویما تاریخی یاپیلاری، یئرآلتی شهرلری، ایستی هاوا بالن اوچوشلاری، آت و اراضی آراجلاری ایله تشکیل ائدیله‌ن سفری فعالیتلریله دونیانین دؤرد بیر طرفین‌دن توریستلرین ماراغینی چکه‌ن کاپادوکیا، کووید-۱۹ تدبیرلری چرچیوه‌سین‌ده گئچه‌ن ایل ژانویه-اکتبر دؤورون‌ده ۸۷۴ مین ۴۲۴ قوناغی آغیرلادی.

بؤلگه‌ده‌کی موزه و تاریخی یئرلری بو ایلین عینی دؤورون‌ده ایسه ۱ میلیون ۹۱۷ مین ۶۵۷ توریست گزدی.

زلوه تاریخی-کولتورل یئری ۵۳۴ مین ۲۴۱ توریستله ایلک سیرادا یئر آلیرکه‌ن، ۴۵۸ مین ۷۷۶ توریستین گزدیگی گؤره‌مه آچیق هاوا موزه‌سی ایکینجی، ۲۸۰ مین ۶۸۰ قوناقلا حاجی بکتاش ولی موزه‌سی اوچونجو اولدو.

بؤلگه، ان چوخ قوناغی ایسه ۴۲۸ مین ۸۸۳ نفرله آگوست‌دا آغیرلادی.

کاپادوکیانی ژانویه-اکتبر دؤورلرین‌ده ۲۰۱۶دا ۱ میلیون ۳۵۸ مین ۲۹۲، ۲۰۱۷ده ۱ میلیون ۹۴۶ مین ۱۵۱، ۲۰۱۸ده ۲ میلیون ۶۰۲ مین ۸۳۵، ۲۰۱۹دا ۳ میلیون ۲۹۲ مین ۱۰۹ توریست گزمیشدی.



ایلگیلی‌لی خبرلر