آنتالیایا ۸،۶ میلیوندان چوخ توریست گلدی
شهره گلن توریستلرین میللیتینه گؤره بیرینجی یئری روسیا توتدو
تورکیهنین ان اؤنملی توریزم مرکزلریندن اولان آنتالیا، ۱۰ آیدا کوروناویروسون سالقینینا باخمایاراق، بو ایل ۸،۶ میلیوندان چوخ توریست چکدی.
سالقین دؤورونده مدنیت و توریزم باخانلیغینین اؤنچولوگونده هتل و توریزم ایشلتمهلرینده گوونلی توریزم سرتیفیکیت پروگرامینین تطبیق اولوندوغو آنتالیا «ساغلیقلی و گوونلی» توریزمین آدرسینه چئوریلدی.
گئچهن ایل کووید-۱۹ سببیله ۳،۵ میلیون توریست آغیرلایان آنتالیا، بو ایل واکسیناسیون نیسبتینین آرتماسی و سیاحت محدودیتلرینین آرادان قالدیریلماسی ایله داها چوخ تعطیلچینی قوناق ائتدی.
تخمیناً ۳،۵ آی عرضینده هفته سونلاری اورتالاما ۱۰۰ مین خاریجی توریستین گلدیگی شهری ۱۰ آیلیق معلوماتا گؤره ۸ میلیون ۶۱۶ مین توریست گزدی.
شهره گلن توریستلرین میللیتینه گؤره بیرینجی یئری روسیا توتدو. روسیادان ۱۰ آیدا اؤنجهکی ایله نیسبتاً یوزده ۱۴۵ آرتیشلا ۳ میلیون ۴۴۸ مین ۷۰۶ توریست گلدی.
اوکراینا ایسه گؤندردیگی ۱ میلیون ۲۵۸ مین ۱۳۸ توریست ایله ایکینجی یئری توتدو.
اؤتن ایلین ۱۰ آییندا ۳۳۵ مین ۴۸۴ آلمان توریستی قبول ائدن آنتالیا، بو ایلین عینی دؤورونده یوزده ۲۴۷ آرتیشلا ۱ میلیون ۱۶۴ مین ۳۳۸ آلمان توریستی آغیرلادی.