پیکاسونون اوغورلانان تابلوسو تاپیلدی

پیکاسونون "قادین باشی" و هلندلی صنعت‌چی پیت موندریانین "ایستمر یئل دییرمانی" تابلوسونو تاپماق اوچون، کراتیا بؤلگه‌سین‌ده بیر مکانا باسقین تشکیل ائدیلدی

1666920
پیکاسونون اوغورلانان تابلوسو تاپیلدی

یونان‌دا ۲۰۱۲ده آتن ملی گالریسین‌دن اوغورلانان پابلو پیکاسونون و پیت موندریانین تابلولاری تاپیلدی.

آتن پلیسی، پیکاسونون "قادین باشی" و هلندلی صنعت‌چی پیت موندریانین "ایستمر یئل دییرمانی" تابلوسونو تاپماق اوچون، کراتیا بؤلگه‌سین‌ده بیر مکانا باسقین تشکیل ائدیلدیگینی آچیقلادی.

باسقین‌دا بو ایکی اثرین قابلاشدیریلمیش شکیل‌ده تاپیلدیغی بیلدیریلیرکه‌ن، حادثه‌یه باغلی ۴۹ یاشین‌داکی بیر شخصین گؤزآلتینا آلیندیغی و شبهه‌لینین سورغو سیراسین‌دا اوغورلوق سوچونو اعتراف ائتدیگی بیلدیریلدی.

پیکاسونون ۱۹۳۹دا چکدیگی و یونان خالقینا ۱۹۴۹دا نازی ایشغالینا قارشی وئردیگی مبارزه اوچون هدیه ائتدیگی "قادین باشی" ایله موندریانین ۱۹۰۵ده چکدیگی "ایستمر یئل دییرمانی" اثرلری، آتن گالریسینه ائدیله‌ن سویغون‌دا ۹ ژانویه ۲۰۱۲ده اوغورلانمیشدی.

یونان پلیسی، سون ایکی آیدیر بو اثرلری تاپماق اوچون جدی چالیشما یئریدیردی.
 



ایلگیلی‌لی خبرلر