۶ ساچ تئلی، ۱۴ مین ۱۴۵ دلارا ساتیلدی

کورت کوبینین داها اؤنجه ده بیر چوخ شخصی اشیاسی رکورد قیمتلرله ساتیلمیشدی

1641601
۶ ساچ تئلی، ۱۴ مین ۱۴۵ دلارا ساتیلدی

"نیروانا" موسیقی قروپونون افسانه مغنی و گیتاریستی کورت کوبینین ۶ ساچ تئلی، ۱۴ مین ۱۴۵ دلارا ساتیلدی.

قروپون قوروجوسو، ۲۷ یاشین‌دا حیاتینی ایتیره‌ن کورت کوبینین ساچ تئللری، آمریکادا آیکانیک آکشینز مزایده ائوی طرفین‌دن ساتیشا سونولدو.

۶ ساچ تئلین‌دن هر بیری ۲ مین ۳۵۷.۵۰ دلارا ساتیلدی.

کورت کوبینین ساتیلان ساچلارینین، ۱۹۸۹.جو ایلده نیروانانین ایلک آلبومو بلیچین یایینلانماسین‌دان ۴ آی سونرا کسیلدیگی آچیقلاندی. 

ساچ تئللرینین بو آنا قدر کیچیک بیر پلاستیک قوتو ایچری‌سین‌ده محافظه ائدیلدیگی ایفاده ائدیلدی.

کوبینین داها اؤنجه ده بیر چوخ شخصی اشیاسی رکورد قیمتلرله ساتیلمیشدی.

کورت کوبینین ژیلتی ۲۰۱۹دا تشکیل ائدیله‌ن مزایده‌ده ۳۳۴ مین دلارا، گیتاری ایسه گئچه‌ن ایل ۶ میلیون دلارا ساتیلمیشدی.

۸ آوریل ۱۹۹۴ده سیاتل‌ده‌کی ائوین‌ده اؤلوسو تاپیلان کورت کوبینین عضوو اولدوغو نیروانا، یالنیز آمرریکا سرحدلری ایچین‌ده ۲۵ میلیون آلبوم ساتدی، دونیا سویه‌سین‌ده ایسه بو رقم ۵۰ میلیونو گئچدی.



ایلگیلی‌لی خبرلر