۲۰۲۱ اسکار اؤدوللری
ینما دونیاسینین ان پرستیژلی اؤدوللریندن اولان آکادمی اؤدوللری صاحبلرینه وئریلدی
اسکار اؤدوللری اولاراق دا بیلینهن و سینما دونیاسینین ان پرستیژلی اؤدوللریندن اولان آکادمی اؤدوللری صاحبلرینه وئریلدی.
آمریکانین لوس آنجلس شهریندهکی دالبی تئاتریندا تشکیل ائدیلهن مراسیمله، ۹۳.جوسو وئریلهن آکادمی اؤدوللرینده ان یاخشی فیلم اؤدولونو "نومادلند/کؤچهبهلر یوردو" قازاندی.
ان یاخشی یؤنتمن اؤدولونو دا "نومادلند" فیلمینین یؤنتمی کلوئی ژائو آلدی.
کلوئی، ۹۳ ایللیک اسکار اؤدوللری عنعنهسینده ان یاخشی یؤنتمن اؤدولونو آلان ایکینجی قادین اولدو.
کلئوی، اؤدولونو آلارکهن دانیشماسیندا،
"بو اؤدولو، نه قدر چتین اولورسا اولسون ایچلریندهکی یاخشیلیغا و بیر بیرلرینین ایچیندهکی یاخشیلیغا دایانماق اوچون جسارت و اینانجا صاحب اولانلار اوچون آلیرام" دئدی.
"نومادلند" فیلمی ایله "ان یاخشی قادین اویونچو" اؤدولونو فرانسیس مک دورمند قازانارکهن، "فادیر/آتا" فیلمینین باش رول اویونچوسو آنتونی هاپکینز ایسه "ان یاخشی کیشی اویونچو" اؤدولونون صاحبی اولدو.
"ان یاخشی کؤمکچی قادین اویونچو" اؤدولونو "میناری" فیلمیندهکی رولویلا یو جانگ یان قازانارکهن، "ان یاخشی کؤمکچی کیشی اویونچو" اؤدولونو "یهودا ایله قارا مسیح" فیلمیندهکی رولویلا دنیل کالویا الده ائتدی.
اسکاردا دیگر اؤدوللره لاییق گؤرولهنلر ایسه بئله:
ان یاخشی اولوسلارآراسی فیلم: "انآدیر راوند/بیر دؤور داها"
ان یاخشی بلگهسل: "مای آکتاپوس تیچیر/منیم اوختاپوس اؤیرتمنیم"
ان یاخشی آنیماسیون فیلمی: "سول/تین"
ان یاخشی قیسا آنیماسیون: "ایف انیتینگ هپنس آی لاوو یوو/ بیر شئی اولورسا، سنی سئودیگیمی بیل"
ان یاخشی قیسا مستند: "کولئت"
ان یاخشی فیلم موسیقیسی: "سول"
ان یاخشی اؤزل ماهنی: "فایت فور یوو/ سنین اوچون ساواش"
ان یاخشی اؤزل سناریو: "پرامیسینگ یانگ وومن/گلهجگی گؤزل قادین"
ان یاخشی فیلم مونتاژی: "مئتالین سسی"
ایلگیلیلی خبرلر
تورکیهیه ان چوخ قوناق قونشولاریندان گلدی
تورکیهیه ژانویه و فوریه آییندا ان چوخ توریست گؤندرهن اؤلکه، ۴۳۷ مین ۹۰۵ نفر ایله ایران اولدو