تورکجه یئتر‌لیک سیناوی باش‌وورولاری داوام ائدیر

تورکجه‌نی ایکینجی دیل یا دا خاریجی دیل اولاراق اؤیره‌نه‌نلرین سویه‌سینی اؤلچمک اوچون تشکیل ائدیله‌ن تورکجه یئترلیک سیناوینا ۱۶ یاش اوزری هر کس قاتیلابیلیر

1616629
تورکجه یئتر‌لیک سیناوی باش‌وورولاری داوام ائدیر

یونوس امره انستیتوسو، بو ایل ۲۹ می‌ده آلیناجاق تورکجه یئتر‌لیک سیناوی مراجعتلرینین ۳۰ آوریله قدر یونوس امره انستیتوسو اینترنت سایتی اوزرین‌دن ائدیله‌جگینی بیلدیردی.

انستیتو‌دان وئریله‌ن آچیقلامایا گؤره، ایلده ۳ دفعه تشکیل ائدیله‌ن سیناو، خاریج‌ده‌کی یونوس امره انستیتوسو مرکزلری ایله تورکیه‌ده ائش زامان‌لی اولاراق گرچکلشدیریلیر.

تورکجه‌نی ایکینجی دیل یا دا خاریجی دیل اولاراق اؤیره‌نه‌نلرین سویه‌سینی اؤلچمک اوچون تشکیل ائدیله‌ن تورکجه یئترلیک سیناوینا ۱۶ یاش اوزری هر کس قاتیلابیلیر.

اوچ جلسه‌ده آلینان امتحاندا اوخوما، دینله‌مه، یازما و دانیشما باجاریقلاری سینانیرکن، سیناو نتیجه‌لری قاتیلیمچیلارین تورکیه‌ده‌کی اونیوئرسیته‌لره قبوللارینی دا آسانلاشدیریر. بو سیناو‌دا تورکجه یئتر‌لیک سندی آلان اؤیرنجیلر، تورکیه‌ده‌کی اونیوئرسیته‌لرده حاضرلیق صینیفی اوخوماق‌دان معاف توتولور.

عینی بلگه، تورکیه‌ده و یا اولوسلارآراسی شیرکتلرده چالیشماق، ترجومه‌چی‌لیک و یا تورکجه اؤیرتمنی اولماق ایسته‌یه‌نلر اوچون ده آوانتاژ ساغلاییر.

بو ایل ۲۹ می‌ده ائدیله‌جک سیناو اوچون باش‌وورولار۳۰ آوریله قدر داوام ائد‌جک.

مراجعتلر sinav.yee.org.tr اوزرین‌دن ائدیله‌جک، سیناولا باغلی بیلگیلر ایسه tys.yee.org.tr آدرسینده یئر آلماقدادیر.



ایلگیلی‌لی خبرلر