"تورکجه اؤدوللری یونوس امره اؤزل" یاریشماسی
یورددیشی تورکلر و قوهوم توپلولوقلار باشقانلیغی "تورکجه اؤدوللری یونوس امره اؤزل" یاریشماسی تشکیل ائتدیگینی آچیقلادی
یورددیشی تورکلر و قوهوم توپلولوقلار باشقانلیغی، تورک دیاسپورونا خاص ادبیات ساحهسینده یئنی آچیلیملاری تشویق ائتمک و بو ساحهدهکی استعدادلاری کشف ائتمک اوچون "یورددیشی تورکلر و قوهوم توپلولوقلار باشقانلیغی تورکجه اؤدوللری یونوس امره اؤزل" یاریشماسی تشکیل ائتدیگینی آچیقلادی.
یورددیشی تورکلر و قوهوم توپلولوقلار باشقانلیغی طرفیندن وئریلهن یازیلی آچیقلامادا، یاریشمانین، یورددیشیندا یاشایان وطنداشلارین آنادیل قونوسونداکی یئتهنکلرینی، ایفاده باجاریقلارینی آرتیرمالاری و تورکجهنی حیاتلارینین بوتون ساحهلرینده ائتکین بیر شکیلده قوللانمالاری اوچون تشکیل ائدیلهن مختلیف پروژهلر چرچیوهسینده ائدیلهجگی بیلدیریلدی.
آچیقلامادا، هر ایل تشکیل ائدیلن "یورددیشی تورکلر و قوهوم توپلولوقلار باشقانلیغی تورکجه اؤدوللری" یاریشماسینین، پرزیدنت رجب طیب اردوغانین ۲۰۲۱ ایلینی "یونوس امره و تورکجه ایلی" اعلان ائتمهسیندن سونرا بو ایل "یورددیشی تورکلر و قوهوم توپلولوقلار باشقانلیغی تورکجه اؤدوللری یونوس امره اؤزل" آدی ایله تشکیل ائدیلهجگی ایفاده ائدیلدی.
آچیقلامادا، یاریشمانین حکایه، شعر، دنهمه و کیتاب دستگی اولماقلا ۴ آیری کتگوری آلتیندا تشکیل ائدیلهجگی و قازانانلارا چئشیدلی اؤدوللرین وئریلهجگی بیلدیریلدی.
آچیقلامادا، سون مراجعت تاریخینین ۳۰ ژوئن اولاراق تعیین اولوندوغو یاریشمایا قاتیلماق ایستهیهن وطنداشلارین اثرلرینی طلب اولونان سندلرله بیرلیکده الکترونیک پست یولو ایله (turkceodulleri@ytb.gov.tr) ایمیلینه گؤندرمهلری وورغولاندی.
یاریشما ایله باغلی بیلگی و بلگهلره "www.ytb.gov.tr" آدرسیندن باخیلابیلهجگی بیلدیریلدی.