۲۰۲۱ "یونوس امره و تورکجه ایلی" اولاجاق
اردوغان: یونوس امره، ان آری تورکجه ایله اینسانلاری اورتاق دگرلر اطرافیندا بیرلشدیرمهگی و هر دؤورون شاعری اولماغی باجاردی
پرزیدنت رجب طیب اردوغان ۲۰۲۱.جی ایلین "یونوس امره و تورکجه ایلی" اولاراق قوتلانماسینا دایر حکم ایمضالادی.
پرزیدنت اردوغان "رسمی قازئته"ده یئر آلان حکمده تورک دیلی و مدنیتینین تمل داشلاریندان بیری اولان یونوس امرهنین وفاتینین ۷۰۰.جو ایلدؤنومو سببیله ۲۰۲۱.جی ایلین بیرلشمیش میللتلر تشکیلاتینین تحصیل، بیلیم و مدنیت تشکیلاتی (یونسکو) طرفیندن آنیم و قوتلانما ایلدؤنوملری سیراسینا داخیل اولدوغونو بیلدیردی.
یونوس امرهنین شعرلرینده اینسانا و طبیعته سئوگی، خوش گؤرو، قارداشلیق و باریش مفهوملاریندان ان آری تورکجه ایستیفاده ائتدیگینی و بو شعرلرله دین، دیل و عرق آیریمی ائتمهدن بوتون اینسانلیغا سسلندیگینی سؤیلهیهن اردوغان یونوسون کورهسل بشری دگرلری اوزرینده قوردوغو فلسفهسی ایله دونیا هومانیزمینه قاتقیلار وئردیگینی و اینسانلاری اورتاق دگرلر اطرافیندا بیرلشدیرهن و هر دؤورون شاعری اولماغی باجاردیغینی بیلدیردی.
۲۰۲۱.جی ایلین "یونوس امره و تورکجه ایلی" اولاراق قوتلانماسی قراری چرچیوهسینده مختلیف تدبیرلر گئچیریلهجک.