ت.ر.ت-نین باش مودیری ابراهیم ارن آبو-نون صدری سئچیلیب
تورکیه رادیو و تلویزیون قورومو (ت.ر.ت) ایداره هئیتینین صدری و باش مودیری ابراهیم ارن یئکدیللیکله آبو صدری سئچیلیب.
57-جی آسیا ساکیت اقیانوس یاییم بیرلیگی (ABU) عمومی شوراسیندا رئاللاشدیریلان باشقانلیق سئچکیلرینده تورکیه رادیو و تلویزیون قورومو (ت.ر.ت) ایداره هئیتینین صدری و باش مودیری ابراهیم ارن یئکدیللیکله ABU صدری سئچیلیب.
ویتنام-ین پایتاختی هانوی-دا کئچیریلمهسی پلانلاشدیریلان 57-جی آسیا ساکیت اقیانوس یاییم بیرلیگی (ABU) عمومی شوراسیندا و علاقهلی ایجلاسلار یئنی نوع کروناویروس (کووید-19) اپیدمیسی سببیندن اونلاین پلاتفورمادا تشکیل ائدیلیب.
57-جی آبو عمومی شوراسینین صدرلیک سئچکیلریندن سونرا ت.ر.ت-نین ایداره هئیتینین صدری و باش مودیری ابراهیم ارن یئکدیللیکله آبو صدری سئچیلیب.
ابراهیم ارن، 72 اؤلکهدن 271 عضوو ایله دونیانین ان بؤیوک یاییم بیرلیگی اولان آبو-نون رهبرلیگینه تورکیه-دن سئچیلن ایلک شخصدیر. ارن، 31 دسمامبر 2023-جو ایله ده ک آبو-نون صدری وظیفهسینی ایجرا ائدهجک.
ابراهیم ارنین آبو باشچیلیغینا سئچیلمهسینده، باش مودیر اولدوغو مودتده ت.ر.ت-نین گئتدیکجه آرتان موفقیتی و اولوسلار آراسی فعالیتلری ایله فرقلی دیللرده رئاللاشدیریلان افکتیو یاییمی واجیب رول اویناییب.
آبو-نون صدری سئچیلدیکدن سونرا آچیقلاما وئرن ابراهیم ارن، دونیانین ان بؤیوک یاییم بیرلیگینه بو جور گوجلو دستکله صدر سئچیلمیین قورور وئریجی اولدوغونو بیلدیرهرک، "بو اوغور اؤلکهمیزین گوجوندن و ت.ر.ت اولاراق اولوسلار آراسی آرئناداکی تأثیریمیزدن قایناقلانیر. بوتون آبو عضولرینه و همکارلاریما چوخ تشککور ائدیرم. خئییرلی، اوغورلو اولسون" ایفادهلرینی سسلندیریب.