تاریخین ان چوخ گلیر گتیرن جیزگی فیلمی آچیقلاندی

"والت دیزنی"ین "سویوق اورک-2" جیزگی فیلمی ان یوکسک گلیری الده ائدن آنیماسیون فیلمی کیمی سینما تاریخینه دوشوب.

بو باره‌ده “Boxofficemojo” پورتا‌لی معلومات یاییب.

جیزگی فیلمی‌نین گلیری 1.325 میلیارد دو‌لاری کئچیب. قیش ناغیلی اولان فیلم "سویوق اورک" جیزگی فیلمیندن ایزله‌ین‌لره تانیش اولان آننا و الزا باجی‌لاری‌نین گله‌جک سرگوزشت‌لرین‌دن بحث ائدیر.

بون‌دان اول، "سوپر عائله-2" (1.243 میلیارد دو‌لار) و "سویوق اورک" (1.281 میلیارد دو‌لار) جیزگی فیلم‌لری لیدر ساییلیردی.

خاتیرلاداق کی، "سویوق اورک-2" ایستودیانین کئچن ایل میلیارد دو‌لاردان چوخ قازاندیغی آلتینجی فیلم لاییحه‌سی‌دیر.