"محمد" آدی ایلک ۱۰دا یئر آلدی
آمریکادا ان سئویلن آدلارین معین اولوندوغو ۲۰۱۹.جو ایلین راپورو یایملاندی
آمریکالی بیبی سنتر آدلی آراشدیرما شیرکتینین معلوماتلارینا گؤره، محمد آدی آمریکا بیرلشمیش درولتلرینده ۲۰۱۹.جو ایلده دوغولان کؤرپه‌لره وئریله‌ن آدلار آراسین‌دا ایلک ۱۰دا یئر آلدی.
بیبی سنتر، آمریکا سوسیال گوونلیک بیلگیلری چرچیوه‌سین‌ده اؤلکه‌ده ان سئویلن آدلارین معین اولوندوغو ۲۰۱۹.جو ایلین راپورونو یایملادی. ۲۰۱۹.جو ایلین ایلک ۱۰ سیرالاماسین‌دا بیرینجی سیرانی لیام آدینین آلدیغی ایفاده ائدیله‌ن راپور‌دا، سیراسییلا جکسون، نوآه، آیدن، گریسون، کیدن، لوکاس، الیژا، اولیوئر و محمد آدلارینین لیستده یئر آلدیغی ایفاده ائدیلدی.
راپور‌دا، قیز اوشاقلارینا وئریله‌ن آدلارلا ایلگیلی بیلگیلر ده پایلاشیلدی. مسلمان آدی اولان عالیه‌نین ایسه آمریکادا قیز اوشاقلارینا وئریله‌ن آدلار آراسین‌دا ایلک ۱۰ آد آراسینا گیردیگی معین اولوندو.
بونا گؤره، لیستده بیرینجی سیراداکی سوفیا آدینی سیراسییلا اولیویا، ائما، آوا، آریا، ایزابئلا، آمئلیا، میا، ریلئی و عالیه آدلاری تعقیب ائتدی.
