باکی-دا "تورک فیلم‌لری هفته‌سی" باشلادی

نوامبرین 25-ده نظامی فیلم مرکزینده بئشینجی "تورک فیلم‌لری هفته‌سی"نین آچیلیشی اولدو.

باکی-دا "تورک فیلم‌لری هفته‌سی" باشلادی

نوامبرین 25-ده نظامی فیلم مرکزینده بئشینجی "تورک فیلم‌لری هفته‌سی"نین آچیلیشی اولدو.

فیلم هفته‌سی اؤلکه‌میزین مدنیت و توریزم ناظیرلیگی، آذربایجان‌داکی سفیرلیگی، تورک امکداش‌لیق و کووردیناسیون آژانسی‌نین (تیکا) یئرلی دوشونجه درنگی و نظامی فیلم مرکزی‌نین دستکی ایله رئال‌لاشدی.

تدبیرده آذربایجانین امکدار اینجه صنعت خادیمی، فیلم شناس آیاز سالایئو، تورکیه بؤیوک میللت مجلیسی‌نین عضوو متین گوندوغدو، میللی مجلیسین میللت وکیلی قنیره پاشایئوا، تورکیه-‌نین آذربایجان‌داکی سفیری ارکان اؤزورال و باشقا‌لاری چیخیش ائده‌رک ایکی قارداش خالق آراسیندا عصرلر بویو داوام ائدن سارسیلماز دوستلوق موناسیبت‌لرین‌دن سؤز آچدی‌لار.

باکی-دا کئچیریلن تورک فیلم‌لری هفته‌سی چرچیوه‌سینده فیلم سئورلرین ماراق‌لی فیلم‌لری ایزلمک فورصتی الده ائدجگینی سؤیله‌ین ناتیق‌لر تورک فیلمی نین کئچدیگی تاریخی اینکیشاف یولونو وورغولادی‌لار. قئید ائدیلدی کی، نوماییش اولونا‌جاق فیلم‌لر هر بیر تاماشاچیدا سون دؤورلر تورک فیلمی حاقیندا مثبت فیکیر فورما‌لاش‌دیرا‌جاق.

بیلدیریلیب کی، یاخین گله‌جکده تورک هفته‌سی چرچیوه‌سینده آذربایجانین دیگر بؤلگه‌لرینده ده تورک فیلم‌لری‌نین تقدیماتی نظرده توتولور.

آچیلیش مراسیمینده “Locman” فیلمی‌نین رژیسسورو شوکرو آلاچام، اوره تیجیسی اویا ایشیل جوهادار و اکران اثری‌نین آکتیورلاری یئلیز کووانجی و نیسا سوفیا آکسونگور، “Çakallarla dans-5” فیلمی‌نین رژیسسورو مورات شکر، آکتیورلار هانده کاتیپ اوغلو و چاغلا ایرماک، “Kapan” فیلمی‌نین رژیسسورو سید چولاک، سناریستی گوون آدی گوزل، “Annem” فیلمی‌نین رژیسسورو مصطفی کوتان و دیگر شخص‌لر ایشتیراک ائتدی‌لر.



ایلگیلی‌لی خبرلر