"سو" بیرینجی اولدو
"سو، شامپیون پیشیکلرین قاتیلدیغی یاریشمادا شامپیونلارین شامپیونو اولدو"
وان یوزونجو ایل اونیورسیتهسی وان پیشیگی آراشدیرما و اویقولاما مرکزی طرفیندن قوروما آلتیندا توتولان وان پیشیکلریندن "سو"، ایستانبولدا تشکیل ائدیلهن "اولوسلارآراسی موتلو پیشیکلر یاریشماسی"ندا بیرینجی اولدو.
انسانا یاخینلیغی، آغ و ایپک کیمی کۆرکو، آسلان یئریییشی، اوزون و قاباریق قویروغو، دییشیک گؤز رنگلری و سویو سئومهسی ایله مشهور وان پیشیکلری، یئرلی خاریجی هر کسین ماراغینی چکیر.
وان یوزونجو ایل اونیورسیتهسی وان پیشیگی آراشدیرما و اویقولاما مرکزی طرفیندن پیشیک ویلاسیندا قوروما آلتینا آلینان قارینداش پیشیکلر "سو" و "باشاق" ۲ و ۳ نوامبردا ایستانبولدا گرچکلشدیریلن ۷.جی اولوسلارآراسی ائوجیل هحیوان محصول لوازم و اکسسوار تداروکچیلاری سرگیسی چرچیوهسینده تشکیل ائدیلهن اولوسلارآراسی موتلو پیشیکلر یاریشماسیندا صحنهیه چیخدی. یاریشمادا "سو"، ژوریدن ان یوکسک پوئنی آلاراق بیرینجی اولدو.
وان یوزونجو ایل اونیورسیتهسی رئیسی پروفسور دکتر حمدالله شئولی، ژورنالیستلره وئردیگی آچیقلامادا، ۱۵ اؤلکهدن ۲۰۰ پیشیک عیرقینین ایشتیراک ائتدیگی یاریشمادان چوخ یاخشی بیر نتیجه ایله دؤندوکلرینی سؤیلهدی.
شئولی، پیشیگیمیز، شامپیون پیشیکلرین قاتیلدیغی یاریشمادا شامپیونلارین شامپیونو اولدو. ان گؤزل پیشیک سئچیلهرک بوتون اؤدوللری آلدی. بو یاریشمایلا وان پیشیگینین دونیانین ان گؤزل پیشیگی اولدوغو تسجیللندی" دئدی.