"تورک، اسارت قبول ائتمه‌یه‌ن بیر میللت‌دیر"

میللی ساوونما باخانلیغی، تورک اولوسونون اؤندری مصطفی کمال آتاتورکون وفاتینین ۸۱.جی ایلی سببی ایله بیر ویدئو حاضرلاندی

"تورک، اسارت قبول ائتمه‌یه‌ن بیر میللت‌دیر"
"تورک، اسارت قبول ائتمه‌یه‌ن بیر میللت‌دیر"
"تورک، اسارت قبول ائتمه‌یه‌ن بیر میللت‌دیر"

"تورک، اسارت قبول ائتمه‌یه‌ن بیر میللت‌دیر"

میللی ساوونما باخانلیغی طرفین‌دن تورکییه جمهوریتینین قوروجوسو و تورک اولوسونون اؤندری مصطفی کمال آتاتورکون وفاتینین ۸۱.جی ایلی سببی ایله آنیدقبرین آنلادیلدیغی ویدئو حاضرلاندی.

باخانلیغین تویتر حسابین‌دان پایلاشیلان ویدئودا، آتاتورکون ابدی استراحتگاهی آنیدقبری هر ایل میلیونلارجا انسانین زیارت ائتدیگی ایفاده ائدیلدی.

ویدئودا، آنیدقبیره گئدن زیارتچیلرین قوللاندیغی و رسمی مراسیملرین باشلانغیج نقطه‌سی اولان آسلانلی یولون گؤرونتولرینه یئر وئریله‌رک،

"‌۲۶۲ متر اوزونلوغون‌داکی آسلان‌لی یولون باشین‌دا آتاتورکون سونرا تورک اولوسونون یاشادیغی درین آجینی سیمگه‌له‌یه‌ن ۳ قادین و ۳ کیشی هیکلی یئر آلماقدادیر. یولون ایکی یانین‌دا آتاتورکون تورک و آنادولو تاریخینه وئردیگی اؤنمه عطفاً، آنادولودا بؤیوک بیر دؤولت قورموش اولان هیتیتلرین آسلان اوسلوبونا اویغون اولاراق اوتورموش حال‌دا ۲۴ آسلان هیکلی وار. تورک میتولوژیسین‌ده گوج و قدرتی تمثیل ائد‌ن آسلانلار، دوروشلاری اعتباریله ساکیندیرلر. بو تورک میللتینین وطنینه، بایراغینا و موستقیللیگینه توخونولمادیغی مدتجه باریش یانلیسی اولدوغونو گؤسترمک‌ده‌دیر" دئییل‌دی.

آسلانلی یولون تخمیناً ۵ سانتیمتر آرالیقلی و آسیمتریک(متقارن اولمایان) دؤشنمیش داشلاردان میدانا گلدیگی بیلدیریلن ویدئودا،

"یولون هر ایکی یانین‌دا ویرجینیا جینسی آردیجلار(داغ سروی) یئر آلماقدادیر.

 دؤرد مؤوسوم یارپاقلارینی دؤکمه‌ین ویرجینیا آردیجلارینین اکیلمه‌سینین سببی ایسه زیارتچیلری شهرین گؤرونتوسون‌دن اوزاقلاشدیراراق آتاتورکو زیارت ائتمه‌یه حاضرلاماق‌دیر" بیلگیسی وئریلدی.

 آتاتورکون عزیز وجودونون ابدی استراحتگاهینا، تورک عسگرینین چییینلرین‌ده ۱۰ نوامبر ۱۹۵۳ده بو یول‌دان داشیندیغی آنلادیلان ویدئونون سونون‌دا، بؤیوک اؤندرین "تورک، اسارت قبول ائتمه‌یه‌ن بیر میللت‌دیر. تورک میللتی اسیر اولمامیش‌دیر" سؤزونه یئر وئریلدی.



ایلگیلی‌لی خبرلر