اردبیللی یؤنتمن لیلا نوروزی "7 ویلایت " فیلم فستیوا‌لیندا ایکینجی‌لیک اؤدولو آلدی

6-جی اولوسلار آراسی 7 ویلایت قیسا فیلم فستیوا‌لی اؤدول‌ و قاپانیش تؤرنی 2 مهر 1398 تاریخینده تورکیه‌نین بورسا شهرینده دوزنلندی

1277044
اردبیللی یؤنتمن لیلا نوروزی "7  ویلایت " فیلم فستیوا‌لیندا ایکینجی‌لیک اؤدولو آلدی

اردبیللی یؤنتمن لیلا نوروزی "7  ویلایت " فیلم فستیوا‌لینده ایکینجی‌لیک اؤدولو آلدی.

 

6-جی اولوسلار آراسی  7 ویلایت قیسا فیلم فستیوا‌لی اؤدول‌ و قاپانیش تؤرنی 2 مهر 1398 تاریخینده تورکیه‌نین بورسا شهرینده دوزنلندی.

 

تورکیه صنعت، سینما و کولتور درنگی، تورکیه جمهوریتی کولتور باخانلیغی و بورسا تیجارت و صنایع اوتاغی طرفیندن دوزنلنن بو فئستیوال 1627 اثردن سناریو و قیسا فیلن قولوندا11 اثر  اؤدوله لایق گؤرولدو.سئچیلن اثرلر آراسیندا " قارا یول" قیسا فیلمی ایله ایراندان فستیوالا قاتیلان اردبیللی یؤنتمن لیلا نوروزی ایکینجی‌لیک اؤدولونو قازاندی.

 

فستیوا‌لدا قیسا فیلم قولوندا بیرینجی‌لیگی اوزان سیحای و طوفان شیمشک‌جان یؤنتمنلیگینده "لکه" فیلمی و تولغا اوکور یؤنتمنلیگینده " آریسه" فیلمی ایسه اوچونجولویو قازاندی.

 

بو فستیوال هر ایل دوزنلی اولاراق بورسادا دوزنلنیر. بو ایلکی فسیوال ایسه تورک متفکیری پروفسور فواد سئزگین آدینا حصر ائدیلمیشدیر.

 

بوندان اؤنجه ده لیلا نوروزی " قارا یول" فیلمی ایله بیرچوخ اولوسلار آراسی فیلم فستیوالینا قاتیلمیش و گئچن ایل ایستانبول اولوسلار آراسی ایپک یولو فیلم فستیوالیندا ان یاخشی یؤنتمن اؤدولونو قازانمیشدی.



ایلگیلی‌لی خبرلر